好多時聽人講分手，原因大多離不開「大家淡咗」、「有第三者」、「大家唔夾」、「遠距離戀愛」、「掛住前度」等等……雖然每一個理由都好令人受到傷害，但都仲算Make Sense可以理解。不過呢個世界上，原來有啲分手理由係勁無厘頭，聽完都唔知好嬲定好笑！

外國網站distractify就列舉出網友聽過嘅無厘頭分手理由，一齊開心Share啦！

「我女朋友唔肯喺我面前放屁，令我覺得佢無法對我坦白，我們一定會無法交心，所以我就同佢分手。」

「我女朋友搬咗屋，我唔想花 45 分鐘時間開我架舊車去搵佢，所以就同佢分手。」

「我同我女友分手，因為佢居然為咗我唔敢同其他人打交而對我發火。」

「我女朋友竟然以為第二次世界大戰係電影，唔係真實事件，你話我可以唔同佢分手咩？」

「我同我男朋友因為對《How I Met Your Mother》嘅劇情意見不合，最後就分手。」

「我女朋友飛咗我，因為佢覺得鍾意打機嘅人有可能會變成殺人犯。」

「我同我男朋友本來感情好甜蜜，直到有一日我發現佢有一個冇頭冇手手腳腳嘅假人模特兒，我問他用嚟做咩，佢話佢鍾意幫假人換衫，我聽完就即刻同佢分手。」

「我男友認為我用男性剃鬍刀剃腳毛好嘔心，所以我就飛咗佢。」

「唔知點解，我接受唔到男友嘅父母行嘻皮路線，由於太困擾我，所以只好分手。」

「我覺得女朋友戴有色嘅大眼仔睇落好得人驚，所以就同佢分手。」