{ SKIP }
文:MenClub 魏文青  
POSTED ON 13 Jan 2016
琴日就同大家睇咗Pornhub公佈嘅全球打J數據,相信各位都應該睇得好開心。但大家可能會覺得「車,Pornhub呢啲鬼佬網都係鬼佬睇多架啦!根本就代表唔到我呢啲真港人!」Ok,我覺得你都係啱嘅,可能連Pornhub都覺得你係啱嘅!因為佢近日仲另文公佈埋香港區嘅數據!


先睇啲大數據。星期日、夜晚11點到半夜最多人睇Pornhub呢家嘢應該大家都估到。不過估唔到嘅可能係原來星期二係最少人睇Pornhub嘅日子,唔知係咪因為「週中效應」影響啦。而半均逗留時間就係9分46秒,比起世界平均9分16秒長咗成三十秒!咁根據大家上得呢類網都係非常「目標為本」嘅使用習慣黎計,當中應該有8分鐘係做正事嘅,差唔多啦!

另外值得一提嘅係香港區瀏覽量中有26%為女性觀眾,比起世界平均23%高啲啲,但都比我想像嘅多啦!



講得Pornhub當然就唔可以唔講搜尋關鍵字啦!同其他東南亞國家一樣,香港人對AV嘅口味都係深深受到日本影響,所以「Japanese」成為排行榜第一名係好合理嘅事。而作為真港人,當然都支持本土製作,所以「Hong Kong」同「Chinese」排名2,3都係一啲都唔令人驚訝嘅!反而「Korean」排到第四就有啲出乎意料嘞。另外睇關鍵字亦都睇得出香港人對於AV嘅選擇都係以女優(或者準確啲講,片中女主角)嘅國藉為主,對比起外國通常會以AV類別(如Lesbian、MILF之類)為主,係有啲分別嘅。


女優排行榜方面,排第一嘅係「Asa Akira」,睇落去你都知係日本名啦--事實上都係!不過人家就唔係日本AV女優,而係美國出道嘅日藉AV(仲做埋導演添)。第二名就係上年年頭已經介紹過嘅「Mia Khalifa」。第三就係喺日本都有知名度嘅「Lexi Belle」,去到第四先見到「Julia」都仲要加返「Japanese」。睇黎都係同Pornhub本身嘅市場定位有關啦!



而成個Report最有趣嘅就係最後呢張圖啦!佢分析咗香港不同節日及假期期間Pornhub香港區瀏覽量與平均嘅分別。簡單啲黎講就即係話比你知咩節日多人打J,咩節日少人打J。而增幅最大嘅就係重陽節,其次就係佛誕!反而大家覺得好合理嘅聖誕同Boxing Day只係比平時多7%。而減幅最大嘅就係清明節!竟然流失咗接近四成觀眾,其次就係耶穌受難節翌日、清明翌日、復活節翌日同耶穌受難節正日,簡單啲黎講就係上年嘅四月連假!相信係因為大家去哂旅行所以冇人睇Pornhub啦!
世界上最遙遠的距離,可能就係相愛卻不能相見嘅異地戀!最近淘寶就出現一款「異地戀接吻神器」,即使此天各一方,亦能夠感受對方嘴唇觸感,幫助情侶維持感情熱度。 據中國傳媒報導,近期淘寶出現一款 ...
gags
【奇趣】Long D救星?淘寶驚見「異地戀接吻神器」
21 Feb 2023
唔少人都鍾意喺夏天曬下太陽,換得一身古銅色肌膚,同時促進身體產生更多維他命D,有益健康。不過,最近TikTok就流行一種另類日光浴「曬會陰」(Perineum Sunning),顧名思義即係對住個太陽腿張開,聲稱能夠改善睡 ...
gags
【趣聞】TikTok瘋傳「曬會陰」運動 聲稱能改善睡眠增強性慾
06 Oct 2022