男人想做愛，鬼會同你扭扭擰擰，一係就直接講，一係就「監粗lia」。但女人就好唔同，經常都「口裡說不，身體卻很誠實」，可能東方文化始終比較保守，又可能睇日本AV睇上腦，硬係覺得由女方主動開口yo你「今晚扑嘢夜唔夜」，感覺好鬼淫蕩，所以大部分亞洲女性「想要」嘅時候，都會懶矜持咁欲拒還迎，甚至做戲做全套，「唔好」前「唔好」後，希望保持自己形象之餘你又好識做咁郁佢。但如果你真係傻豬豬信以為真，尊重佢唔掂佢嘅髦聞，佢就會嬲9你覺得你唔明白女人心。

為咗防止巴打遇上呢種咁so9sad嘅情況，今晚就同你解構一下女仔有咩行為係暗示緊「來吧～我什麼都應承」，等你哋唔好再錯失良機啦。

日本網站r25其實做過research，訪問咗200位由20-30歲嘅女性，列出「想做愛時嘅暗示Top10」，當中有啲暗示例如「做便當」、「畀男方瞓大髀」等等，根據非正式統計，似乎同香港女仔想啪啪啪時嘅暗示有啲出入，所以呢度就唔多講，講下香港女仔都會用嘅暗示行為好過啦。

將話題帶向色情方向（9.8%）
一班人吹下水就咪提啦，但如果兩人獨處，個女仔又有意無意講咸嘢，都幾有機係製造氣氛，想挑起你條子孫根要你向佢出手。

畀你見到自己醉嘅樣（23.4％）
飲醉酒容易令人乘虛而「入」呢個道理，咁大個女又點會唔知丫，除非佢真係喪劈酒搞到係咁嘔，如果佢飲咗少少就醉，仲要醉得好鬼誘人，擺到明就畀位你「入」啦！試問真係飲到好貓，醉咗啪咗都唔多feel到啦，係要飲少少醉啲唔醉啲，咁先keep到靚同有feel架嘛。

增加身體接觸（54.3％）
身體接觸就最容易摸摸下摸出事，如果個女仔有意無意係咁掂你、挨你，證明咩嘢？證明佢發緊姣，想有進一步發展，例如攬攬錫錫同埋……明架啦，呢招唔好話女仔丫，男仔都會靠身體接觸畀signal。

不過調查結果同時顯示，有22.8％女仔係「完全冇任何表示」，所以食唔食到，真係睇你彩數，就算識破以上三種暗示，萬一撞到個堅。唔聲唔聲，真係算你唔好彩。