之前喺MenClub post過日本女校嘅真相，唔少巴打睇完都打咗個突，估唔到一眾睇落乾乾淨淨香噴噴嘅學生妹，喺唔需要扮嘢畀異性睇嘅情況下，會咁污糟邋遢！又一地垃圾仲將臭襪掛滿locker，稍微愛整潔嘅人見到都會頂唔L順！

之不過沒有最崩壞，只有更崩壞，雖然成間學校都係同性，唔係刻意「為悅己者容」，但都叫有人喺身邊，做咩都要檢點返少少啦，唔通可以好似喺屋企咁開住廁所門大便咩？！但如果得自己喺屋企又點計？日本繪畫家ちぃま就根據日本網站對獨居女子行為嘅統計數據，以插畫方式畫出大部分日本女仔一個人住嘅真實面貌，美麗嘅外表下可能著緊成個星期都冇洗過嘅衫，又或者晚晚瞓住萬年都唔洗嘅床單，你又意唔意外？

第10位
直接拎住個煲食嘢。（好出奇咩？大把人都係咁啦，懶得洗多個碗嘛……）

第9位
亂糟糟嘅化妝品放到成個亂葬崗咁。（亂中有序嘅嘢你識條鐵！）

第7位（並列）
要放上網曬命時先會親自下廚煮嘢食。（我要大家都知我入得廚房出得廳堂！）