今日話晒都情人節，點都需要一個甜點作結，無論大與小，咁先叫perfect meal。作為男士們，識整甜嘢其實一定有分加，為左你地可以成功加分，我就特登搵黎幾個簡單易整的甜品食譜，有出自星級名廚之手，亦有簡易製作，做個參考都好丫。

由Food & Wine 編緝Grace Parisi 介紹的食譜，免焗朱古力曲奇，材料也只有粟米片、花生醬、朱古力同一隻美國牌子REESE'S 嘅 Peanut Butter Cups花生朱古力糖，最後款材料好似好難搵，但其實你去太子間美國雜貨就會有，真係無，用街買到嘅朱古力打碎都可以。

食譜在此

食到飽一飽，唔想食件Cake咁食，可以諗下整Cake Balls，因為小巧細件啱晒女伴。當然啦，你無時間去整海綿蛋糕，都可以去買現成嘅淨蛋糕，如果追求極致的朱古力味，個人建議可選超市中的莎莉蛋糕，超濃味，之後做法也一樣。

咪以為甜品食雪糕就好hea，買來H字頭或者M字頭雪糕，自己加點心意都得，好似呢個加入波本威士忌的焦糖糖醬食譜，暗暗蘊含殺傷力的酒意。

食譜在此