{ SKIP }
文:MenClub Mean娜  圖:MenClub
POSTED ON 30 Oct 2014

秋天令人變得懶洋洋,成日黐住被竇唔願起身,結果會點?結果會好似Mean娜咁,冇時間慢慢食早餐,只能夠含住條蕉9秒9咁跑去追巴士。祈求天父放過一個懶人,賜我(公司附近)一間Cafe如憐憫罪人,等我可以elegant地飲杯咖啡食件Cake咁開始一日嘅早晨。

Mean娜公司附近就冇Cafe畀我扮高貴嘅Office Lady,不過如果你喺中環、又一城or太古坊返工的話,就有間Cafe可以介紹你快手買個靚早餐食。



「2/3 Dolci」係一間意式Cafe,Dolci係意大利文「甜」嘅意思;而2/3係指「2/3 Dolci」有2/3嘅產品都係甜點(意式蛋糕+手工蛋糕),2/3仲有一個意思,就係指食物嘅甜度都係意大利一般甜品嘅2/3,即係Tune咗冇咁甜,啱返香港人口味。


「2/3 Dolci」嘅咖啡係正宗意大利烘焙意式咖啡,採用意大利先進烘焙技術,出品中等厚度、幼滑、甜酸度適中、帶有少少榛子焦糖味嘅咖啡。「2/3 Dolci」係香港唯一一間採用呢隻意式品牌嘅店舖,即係咩牌子?商業秘密又點會話你知呢傻豬~總之好飲就得啦~!作為一個咖啡迷,Mean娜覺得咖啡嘅after taste有回甘嘅味道,而且咖啡質地有厚度,唔會稀巴巴,確係唔錯。




「2/3 Dolci」嘅蛋糕全部都係100%手工蛋糕,用上法國進口朱古力、100%意大利開心果醬、荔枝玫瑰泡茶、京都抹茶十膀紅豆、法國番石榴果蓉嘅蛋糕都一應俱全。


Guaiava – 8-layered Guava Cake

8層番石榴蛋糕由海綿蛋糕相間番石榴果凍、番石榴摩絲、番石榴ganache,看上去層次分明,清香怡人。


83% Cupola 

由83%朱古力和香濃鬆化的酥皮組成。摩絲入口軟滑,香濃的朱古力中帶有獨特的甘味,令人感覺甜而不膩。而底層自家製的酥皮底, 特別加入了榛子的味道,口感更為香濃,有別於一般的酥皮底,跟摩絲配合起來為蛋榚增添一份層次感。



呢度嘅意式雪糕都好特別,用香港唯一一個以傳統slow churning方法製造嘅意式雪糕機整,比起市場大部份空氣含量高達50%的商業雪糕, 「2/3 Dolci」嘅意式雪糕所含空氣量少於10%,因此唔需要以大量糖、高脂忌廉或人造香料去抵償味道。



基本嘢就介紹完喇,講返正題先。

「2/3 Dolci」近日推出咗全新早餐系列,包括鬆餅、貝果等等,讓你可以有個輕盈又飽肚嘅早餐掌握喺手。





鬆軟嘅美式鬆餅有不同口味,例如香濃嘅雙重朱古力、香甜嘅香蕉核桃、清新嘅蘋果玉桂同埋果味滿溢嘅藍苺四種口味。蛋榚口感鬆軟,香脆嘅外層令層次感大增,最適合與咖啡一起享用。


而貝果有兩種︰普通口味同芝麻口味。鬆脆嘅外殼同充滿咬勁嘅貝果配上忌廉芝士,非常香口。 而鋪滿芝麻在外嘅貝果每一口都有芝麻香氣,與士多啤梨醬的配合恰到好處。

地址︰中環皇后大道中38-48號萬年大廈1樓1號舖

電話︰2156 1680

營業時間︰星期一至日: 11:30-20:30

價錢︰$50以下

網址︰http://www.2third-dolci.com/


除咗「2/3 Dolci」有新Menu之外,法國餐廳「Quayside」都有推出全新嘅周日早午餐。


「Quayside」 海景餐廳位於灣仔分域碼頭,可以見到美麗嘅維港景色。






最新嘅早餐Menu分別如下︰

選擇 A – 雞蛋和沙律吧自助餐
有多款沙律同自選雞蛋,顧客可選擇雞蛋的烹調方法,包括班尼迪蛋、奄列、炒蛋、太陽蛋和反蛋。

選擇B – 意粉 /意大利飯和沙律吧自助餐 
意粉包括番茄肉醬意粉、香草醬意粉、Carbonara意粉;意大利飯包括蘑菇+煙肉、蝦+番茜及甜椒+新鮮番茄。

選擇 C – 薄餅和沙律吧自助餐
自家製造薄餅選擇包括番茄羅勒、Calabrese 香腸、茄子、Pepperoni香腸和「Quayside」招牌Pizza。

選擇D – 木火燒烤餐和沙律吧自助餐
「Quayside」 香烤燒肉餐包括肉類和海鮮,例如美國西冷牛扒、法國春雞、新鮮挪威三文魚、美國牛肉漢堡、羊扒、法國豬肉香腸等等。



當日Mean娜就試咗Carbonara意粉,意粉軟硬度適中,而且非常掛汁;忌廉同芝士配合得宜,味道非常濃郁Craemy,一個意粉已經非常滿足飽肚。


另外班尼迪蛋配薯條都好出色!雞蛋下放了菠菜,令佈滿荷蘭汁嘅班尼迪蛋多一份清新;薯條冇咩調味,食出原始薯仔味道,非常新鮮。

地址︰灣仔龍景街1號分域碼頭海軍商場地下

電話︰2661 6708

營業時間︰星期一至六:11:30-23:30 星期日: 10:30-17:00

價錢︰$201-$400

網址︰http://www.quaysidehongkong.com/


對於香港人黎講,打邊爐素來都係不分季節嘅美食,即便係過去疫情期間大家出唔到街,但都可能會買急凍料返屋企食餐好嘅。好似本地網店ChumPlus就曾經於疫情推出急凍牛雜鍋,更大賣超過十萬份。近日佢哋更進駐觀塘巧得 ...
gourmet
【火鍋】疫情期間賣出十萬份 觀塘青藤椒牛雜鍋
21 Jun 2023
近日外國傳媒爆出,以「Salt Bae」之名走紅嘅土耳其籍廚師Nusret Gke,近年身陷多宗與前員工之間嘅官司,當中嘅罪名包括佢「剋扣貼士」、性別歧視、於餐廳內不公對待員工等。令佢原本就唔太好嘅名聲進一步受挫。 ...
gourmet
【美食】剋貼士、性別歧視「Salt Bae」被前員工連環控告
27 Apr 2023