{ SKIP }

POSTED ON 18 May 2018
最近網上流傳一張「望窗圖」,闡述錢同學識影響男人的視野,你就會知道,有錢又有學識嘅人係望到幾遠,但我話有錢有學識又識歎嘅人先係最值得仰慕,我講嘅係Virgin Group創辦人兼億萬富翁 Sir Richard Branson,佢喺南非嘅私人度假村,自帶機場濕濕碎,仲有個私人嘅自然保護區,實在太識歎。

Virgin Group創辦人兼億萬富翁 Sir Richard Branson(留意返佢係爵士),作為世界其中一個最有錢的痴線佬,集團旗下大大小小超過100個子品牌,由航空、 飲品、酒店、唱片、汽車,幾乎包晒一切所有生活事,更試過同AirAsia總裁打賭旗下一級方程式賽車隊的勝負,輸的一方在對方的航班上做一日空姐(佢扮空姐一幕太深刻LOL),的確係痴線。

玩得大都係Gimmick,佢旗下的Virgin Limited Edition酒店集團先係佢最識享受人生嘅表現,

有加勒比海英屬維京群島的私人島嶼 Necker Island、瑞士韋比爾The Lodge滑雪度假木屋、

南非開普敦奪奬無數的酒莊兼酒店Mont Rochelle,不過我覺得最誇張嘅係同樣在南非,位於野生動物保護區,擁有一個私人自然保護區的度假村Ulusaba。

入住Ulusaba,其實就已經一種難忘體驗,這個被Conde Nast Traveler讀者(美國版)評選為《2017年非洲頂級度假村》第3名,Sir Richard Branson的極致奢華品味,我都不需多講。住宿分為Rock Lodge、Cliff Lodge和Safari Lodge,前兩者居於山中,是當遠古戰役中古代戰士埋伏敵人的藏身地點,「帶點恐懼的地方」之意,不過你望到個開揚view,只見寫意沒有殺意;後者沿著馬布拉克河而建,部分客房以樹屋風格建造,真正Living in Jungle。

Source: Forbes
「好丘貝果」你食過就知有咩唔同,麵包迷最愛。
gourmet
台灣風味市集開催 「台灣最好吃」好丘貝果強勢登場
23 May 2018
當日本人遇上意菜,其化學作用不容忽視。
gourmet
意菜日廚田淵拓聯乘WHISK 快閃現代意菜風味
23 May 2018