既冰冷，又炙热。一次過享受冰火交融的特殊感官享受，令你爽快無比！咪心邪，唔係講緊冰火Condom，而係講緊冰火零食。

天氣開始轉熱，自然想食凍嘢。如果喺Office唔方便食哈根大師，不如試吓同Mean娜一齊玩冰火。嗱嗱嗱，你又心邪嘞，我意思係，將平日放室溫的零食放入雪櫃。

坊間唔少傳聞，話乜乜乜零食雪凍咗更加好食，唔知真定假，但試吓都冇壞，如果堅好食，又多樣嘢介紹畀女友同Friend子。我就買咗一堆零食做實驗，睇吓雪凍之後，每款零食會有咩轉變？

硬糖零食實驗品︰二寶
二實表面都係雪得唔夠凍，冇咩特別，但咬開中間流心部分，就Feel到果汁透心涼，而且變得更黏牙，幾得意，但仍建議雪耐少少。

第1輪實驗結論︰可能因為陳皮、芒果乾、薯片相對薄身，所以15分鐘已經雪得夠凍，效果不錯。但其餘糖果同餅乾都唔夠凍，要進行第2輪實驗。

45分鐘後……

單層餅乾零食實驗品︰麥維他消化餅（合格）
第2輪實驗與第1輪實驗效果差不多，都係變得更脆，味道上沒有太大分別，但都係好味。

夾心餅乾零食實驗品︰IKEA蘋果醬夾心餅（不合格）
雪多45分鐘，外層係變得更冰凍，可惜內層果醬部分雪到硬晒！咬到牙都崩！似乎雪得太耐了……

各位想試冰火零食的話，可以參考以上實驗結果，基本上軟糖同水果乾雪凍食都冇死，其他零食就要視乎個人口味，喜歡軟定硬，濃定淡。

另外建議雪零食前，用保鮮袋包好零食，以免零食吸晒雪櫃內其他食物的味道，例如同事的飯盒。