{ SKIP }
文:MenClub Mean娜  圖:MenClub
POSTED ON 17 Apr 2015

夏天熱死辣辣,成個人冇晒胃口。

唔通真係要餐餐士多啤梨啤梨蘋果橙先開胃?淨係食生果,唔夠熱量喎,起碼都要有塊豬扒啦!咪老鬼土咁話男人最忌食豬扒啦,平時茶記嘅洋蔥豬扒飯你咪一樣食得咁過癮,好味就得啦。

生果溝熟食,邏輯上係奇L怪,偏偏我哋就由細食到大,仲覺得好好味添!

咩菠蘿腸仔、蜜桃沙拉骨,「酸may may」,好正。今次同大家分享嘅水果煎豬扒,同樣夠Fresh易入口,食晒佢話咁易,兩口子食又得,整一大盤for大食會又得,冇骨又易食,女士同小朋友一定勁Like。

心動不如行動,即刻學完,聽晚就煮畀Honey試下!


豬扒部分︰

Sadia呢期嘅豬梅肉扒好多,脂肪同肉嘅比例幾好,識得醃,可以好鬼滑


1. 解凍

除非你趕住食,否則不建議直接用水解凍(俗稱啤水),因為凍水會沖走豬扒的油脂。另外,室溫解凍令凍肉感染細菌,容易變壞,更加唔好用熱水解凍。

建議將豬扒放在鋁碟加速解凍過程,期間應以保鮮紙遮蓋。時間許可,可以將整盒豬扒放到雪櫃微凍結保鮮層或俗稱「下格」的一般冷凍層解凍。

解凍後,可以清水及廚房紙輕輕沖刷豬扒,印乾水,否則會以吸收醃料。


2. 醃製

份量以上述的Sadia盒裝豬扒(每盒約4至5件)計算

a.鹽,1至1.5茶匙(攪拌咖啡奶茶那一種)

b.糖,約1至1.5湯匙(食飯飲湯那一種)

c.豉油,約1.5至2湯匙

d.豆粉,約2.5湯匙(量度時豆粉盡量與湯匙邊成同一水平)

e.少量酒(紹酒、中國米酒、西式白酒皆可,約3/4至1湯匙,剔走急凍豬肉之氣味)

f.少量白胡椒粉,如果係may姐fans就落啲啲雞汁囉

g.蒜蓉(用刀切粒又得,去IKEA買個刨,刨粒,蒜味香噴噴)

h.食油(半湯匙)

先將蒜蓉(如有胡椒粉可同期落)與豬扒撈幾吓,盡量畀未醃味的豬扒吸收蒜味,約1分鐘後,放酒,醃3分鐘,然後落鹽、糖、豉油撈幾吓,見到鹽、糖與豉油完全融合,沾滿豬扒後,再放生粉撈幾下,確保生粉與豉油均勻融合後,可以落半湯匙油再拌勻。再盛載豬扒的醃味器皿以保鮮紙封好,放入雪櫃一般保鮮層,最少醃15至20分鐘,醃超過夜更加入味,更滑溜。


3. 煎豬扒

建議用平底鑊煎豬扒,不易煎燶。

煎的時候要留意,鑊要夠熱,油要凍(約1至1.5湯匙,視乎鑊的直徑)。(由於醃製過程時已油,可以落少啲油)。先用大火將兩邊煎至微白色(約1分鐘),然後轉至中細火,慢煎(約5分鐘,各戶爐頭火力不同,大家要有心理準備搵幾件做實驗品)至熟。

貼士1:初哥未掌握火喉,可以在豬扒慢煎至3分半鐘切開一半,檢查肉身是否已熟透。

貼士2:豬扒醃製時間愈久,愈能抵受高火,煎耐咗都唔會嘞,信我!


煎完豬扒後,用預熱(倒少少滾水落去)的瓦碟盛起。如果平底鑊剩餘的油不多,可用廚房紙抹淨(否則要先洗鑊)留待炮製罐頭水果、樽裝橙汁及豬扒回鑊。

另外,準備好一個以罐頭糖水及1/3茶匙開成的粟粉獻(以1湯匙生粉配2.5至3湯匙清水)


配罐頭菠蘿



開大火,落3/4湯匙油,放少少蔥段爆香,然後放入已隔水的罐頭菠蘿,然後開大火,放菠蘿落鑊快炒幾下,加入粟粉獻,兜幾下,再將豬扒回鑊,收慢火,輕輕拌勻,上碟。


唔想用罐頭菠蘿水埋獻?可以用果汁先生(橙汁)

嫌罐頭菠蘿水唔健康?可以用果汁先生(橙汁)做獻汁(落鑊前盡量確保橙汁溫度已接近室溫)。如配上述份量的豬扒,可以將150至200毫升橙汁倒入湯碗,加入1/4茶匙鹽及3/4至1湯匙生粉拌勻。開大火,燒熱鑊,先放蔥段,再將橙汁加熱至有表面起泡及變得黏稠,放入菠蘿及已煎好的豬扒,拌幾下,上碟。


想獻汁更加好味?可以將2至3茶匙茄汁加入上述的果汁先生獻汁,包你好味到一定添飯。



配罐頭蜜桃


先將蜜桃隔水,然後用廚房紙印乾蜜桃,然後如上述步驟一樣煮汁。

煮好汁後,把熟了的豬扒放進鑊裡,熱一熱,最後加桃(因為桃較易出水),輕輕煮幾下便可以上碟。


配罐頭茘枝、龍眼

嫌罐頭菠蘿、罐頭蜜桃由細食到大無新意,可以試吓東南亞風情嘅罐頭荔枝及罐頭龍眼。




對於香港人黎講,打邊爐素來都係不分季節嘅美食,即便係過去疫情期間大家出唔到街,但都可能會買急凍料返屋企食餐好嘅。好似本地網店ChumPlus就曾經於疫情推出急凍牛雜鍋,更大賣超過十萬份。近日佢哋更進駐觀塘巧得 ...
gourmet
【火鍋】疫情期間賣出十萬份 觀塘青藤椒牛雜鍋
21 Jun 2023
近日外國傳媒爆出,以「Salt Bae」之名走紅嘅土耳其籍廚師Nusret Gke,近年身陷多宗與前員工之間嘅官司,當中嘅罪名包括佢「剋扣貼士」、性別歧視、於餐廳內不公對待員工等。令佢原本就唔太好嘅名聲進一步受挫。 ...
gourmet
【美食】剋貼士、性別歧視「Salt Bae」被前員工連環控告
27 Apr 2023