市場上大部分甜食都只會滿足女孩子需要，例如可愛形狀的蛋糕，就係最好例子。當啲女見到公主造型蛋糕、Barbie造型蛋糕，真係見到都變晒心心眼。但男士們呢？似乎就冇呢種特別福利。喂，係唔係歧視先？男人都有生日，生日都想食個型啲嘅蛋糕，係咪唔得先？咪嬲豬～而家咪介紹個「復仇者聯盟蛋糕」過你囉~

前排復仇者聯盟2上映，再次帶起風潮，於是韓國連鎖蛋糕品牌Pairs Baguette就推出復仇者聯盟蛋糕，重現電影場景！

蛋糕一共有2款，分別係一個係Iron man與同綠巨人，另一個係美國隊長同雷神。