{ SKIP }
文:MenClub Mean娜  圖:MenClub
POSTED ON 24 Jul 2015
以前嘅年代,搵嘢食,一定去光鮮亮麗嘅Shopping Mall,揀間靚靚餐廳先叫有品味。但而家時代唔同,復古才夠味道,大家都開始追求懷舊元素,工業風味、銅皮爛鐵,愈糜爛愈精彩。如果你都喜歡呢陣陳舊古樸的氣息,不妨試試觀塘工廈新開的木系咖啡店Oldish。

Oldish是一間與本地設計公司「Growth Ring & Supply」合作的咖啡店,心水清的朋友,應該知道Oldish本來位於上環,最近才搬去觀塘巧明街一帶工廈。不同於一般觀塘工廈餐廳,Oldish佔地面積極大,霸佔了巧明工業大廈五樓AB座兩個單位,寬敞的環境令人感覺Free爆,完全冇侷促感。


可能你心諗,開間Cafe,使唔使過萬呎咁大?24小時麥當當都冇咁大啦!你啱,所以Oldish實際上的用餐地方,只有全層的4分1左右,其餘部分,則是手作工作室及時裝店。



先介紹非餐廳部分。佔全層4分3的手作工作室及時裝店,有著許多懷舊擺設,放眼望去,都是數之不盡的Vintage物件,另外亦有許多手製的飾物及衣服。想選擇復古潮爆的Item,呢度絕對你幫你裝身的好地方。


除了時裝,此處亦有售賣家品,例如木凳、梳化等等。唔好以為佢哋只係得個樣喺度扮Vintage,佢哋好多都真係古董貨,價錢相對有返咁上下份量。


講到Vintage,又點少得皮革產品呢?店裡亦有售賣許多皮製商品,例如皮鞋、皮袋等等。


接著到餐廳部分,貫徹整體風格,一樣復古味十足,單係餐枱、椅子、以子桌上的BB公仔,已經覺得玩味十足,入型入格。


而且當中更有特別由德國引入的品牌 Casala 1950 年代出產嘅椅子系列,好多都係限量版,如果有睇啱,仲可以食完買埋張凳返屋企歎。


Oldish 全日早餐 $112

Oldish 全日早餐包括豬肉腸、炒蛋、煙肉、蘑菇、蕃茄、薯餅、焗豆、煙三文魚及意大利包。炒蛋軟滑有蛋味,更有蛋汁滲出,非常鮮嫩;薯餅亦炸得脆身,而且不會有油膩感。其餘煙肉及豬肉腸等等都煎得剛剛好,不會太熟導致口感過硬。蘑菇值得一讚,炒得非常香口,菇味亦十分香濃。




薑粒炒糙米飯配黑毛豬,溫泉蛋及秘製甜醬油$118

厚切豬柳啖啖肉,肉質鬆化而味濃;糙米飯亦夠乾身,配以溫泉蛋,更能帶出豐富口感。




黑松露野菌薄餅$118

黑松露味道非常濃郁,薄餅亦十分香脆,芝士與野菌的配搭亦恰到好處。




溫泉蛋乳酪沙律$98

略有泰式味道的沙律,加上乳酪,酸酸甜甜,十分開胃。




Oldish

地址︰觀塘巧明街99號巧明工廠大廈5樓AB座
電話︰2345 5008
營業時間︰星期一至日: 10:00-18:00
價錢︰$51-$100

對於香港人黎講,打邊爐素來都係不分季節嘅美食,即便係過去疫情期間大家出唔到街,但都可能會買急凍料返屋企食餐好嘅。好似本地網店ChumPlus就曾經於疫情推出急凍牛雜鍋,更大賣超過十萬份。近日佢哋更進駐觀塘巧得 ...
gourmet
【火鍋】疫情期間賣出十萬份 觀塘青藤椒牛雜鍋
21 Jun 2023
近日外國傳媒爆出,以「Salt Bae」之名走紅嘅土耳其籍廚師Nusret Gke,近年身陷多宗與前員工之間嘅官司,當中嘅罪名包括佢「剋扣貼士」、性別歧視、於餐廳內不公對待員工等。令佢原本就唔太好嘅名聲進一步受挫。 ...
gourmet
【美食】剋貼士、性別歧視「Salt Bae」被前員工連環控告
27 Apr 2023