{ SKIP }
文:MenClub Mr.波特  圖:互聯網
POSTED ON 25 Jul 2017


今年8月26日喺美國拉斯維加斯將會上演一場「世紀之戰」,由「不敗拳王」Mayweather大戰UFC雙料冠軍McGregor,呢場比賽受關注嘅程度絕對唔比美國最受歡迎嘅大賽NFL超級盃為低,預計呢場比賽嘅價值將達到5億美元,而兩位選手隨時可以分到1億美元嘅收入。



而呢場大戰嘅兩位主角之一Mayweather雖然比McGregor大12歲,體能上可能無對方咁好,不過賽事卻係以拳擊賽例進行,咁樣一向只係打開終極格鬥嘅McGregor就絕對落於下風啦,因為佢將唔可以用腳同埋鎖技黎擊倒對方,咁樣將大大減低佢嘅攻擊力。相反,Mayweather一直就係打拳擊,仲要49場不敗,就算外界點講佢只係喺個場上面跑黎跑去,佢都絕對係有實力嘅一位拳手。



對於呢場大戰賽例有明顯嘅一面倒情況,前著名拳王泰臣亦走出黎公開發表意見,而佢一針見血咁表示:「McGregor接受呢場比賽絕對係一個錯誤嘅行為,因為佢接受左一場拳擊賽,而對手更加係49場不敗,佢絕對會被Mayweather殺死。我對於呢場比賽有點唔高興,因為我以為賽事會以拳擊大戰MMA,因為我想睇下拳擊可唔可以打贏MMA嘅選手。如今McGregor已經將自己置身喺一個落敗嘅境地,佢將唔可以踢同用手捉住任何野,所以佢喺比賽入面唔會有太多機會。」


泰臣作為一代重量級拳王,佢絕對明白拳擊並唔係講笑,因為真係一拳就可以打到你訓低,所泰臣見到一位唔係玩開拳擊嘅選手竟然同一位未輸過嘅拳王進行比賽,相信真係令佢難以置信,亦相信Mayweather可以打到McGregor死咁濟。



不過,觀眾一定唔想睇一場一面倒嘅比賽,更加唔想Mayweahter輕鬆將對方KO,佢地要嘅係一場激烈而又接近嘅比賽,究竟唔識拳擊規矩嘅McGregor會唔會真係好似泰臣咁講比Mayweather打死呢?就算唔打死,會唔會真係毫無還擊之力呢?


今次「世紀之戰」場地只係能夠容納2萬名觀眾,所以比賽門票嘅價格就非常之高啦,最便嘅門票亦需要500美元,亦即係大慨3900港元。而最貴嘅門票就達到10000美元,亦即係成78000港元呢,咁樣睇一睇就差唔多成10皮野,真係有錢人嘅玩意!


睇呢場「世紀之戰」前,大家不妨睇下以前重量級拳王泰臣KO對手嘅片段,當時嘅佢真係勁到無朋友!!

由Denis Villeneuve執導嘅史詩科幻大片《Dune: Part Two(沙丘瀚戰:第二章)》叫好又叫座,截止目前全球累計票房高達5.79億美元,於各大影評網站獲得高度好評,就連名導史提芬史匹堡亦給予高度肯定,大讚《Dune 2》 ...
hobby
【影視】史提芬史匹堡大讚《沙丘瀚戰2》:我看過最精彩的科幻電影之一
28 Mar 2024
因為「掌摑事件」而沉寂咗一排嘅Will Smith,今年夏天將聯同老拍檔Martin Lawrence再次回歸大銀幕,繼續搞笑互相鬥嘴。 經典動作喜劇《Bad Boys(重案夢幻組)》最新續集《Bad Boys: Ride or Die(重案 ...
hobby
【影視】Will Smith沉寂兩年回歸!《Bad Boys 4 重案夢幻重組再重組》公開首部預告
28 Mar 2024