{ SKIP }
文:MenClub 波特先生  圖:互聯網
POSTED ON 19 Sep 2017

相信對於每一位籃球迷黎講,睇得最多嘅比賽一定係NBA,因為NBA係世界最頂級嘅籃球聯賽。不過,對於一班80後或以上嘅朋友黎講,最印象深刻嘅比賽未必係NBA任何一場比賽,反而係一場並無真實發生嘅比賽,講緊嘅就係漫畫《男兒當入樽》主角嘅隊伍湘北vs上屆全國冠軍山王工業。

作為一名籃球迷,我諗真係無邊個係無睇過《男兒當入樽》的,而睇過嘅朋友,相信都難以忘記當中嘅每個情節,因為入面比我地睇到熱愛籃球嘅主角們究竟有幾熱血同摧淚,同時諗番自己究竟對籃球個種熱愛有幾強烈呢?(寫寫下我都有啲想喊.....)。

三井嘅一句:「我想打籃球....」震撼住幾多籃球迷嘅心?出左黎做野嘅你,一個月仲有幾多日可以去打籃球?你個心入面究竟有幾想念籃球?三井呢句說話係咪幫你講出你嘅心聲?

隊長赤木雖然實力達到全國級別,但由於身邊一直無信任嘅隊友,所以始終龍游淺水,而你又有無呢種屈屈不得志嘅感覺?喺環境唔許可下,單憑自己根本做唔到啲乜。相反,身邊有一班值得信賴嘅隊友或朋友嘅時候,你又有無感動嘅時候?

主角櫻木經歷左好多,由完全唔識籃球到全情投入,甚至黎到人生最高舞台嘅時候但卻不幸受傷,但係佢一句:「老頭子,你最光輝的時刻是何時?而我呢,就是現在呀!」真係激動到難以形容,而你生命中最光輝嘅時刻又有無令你遺憾嘅事呢?你對一件事全情投入又有無唔理後果呢?

就算好似四眼哥哥木暮咁,雖然自己實力有限只能長居後備,但係見到隊友們傾盡全力取勝亦都真心為佢地打氣,而到自己要上陣嘅時候,當所有人都看輕自己,但係實際上佢喺背後都係非常努力嘅一個,一記回想足足幾話嘅三分球充分體現「只要肯努力終會有派上用場嘅時候」,所以千萬唔好睇輕自己。

點解《男兒當入樽》可以成為神作,相信就係因為入面嘅主要角色都好寫實,可以引起讀書相當大嘅共鳴,而故事亦都非常激動人心,而結果就算擊敗最強嘅山王工業晉級,但係卻因為元氣大傷不敵愛和學院出局。雖然唔完美,但係卻真實,人生總係會有遺憾,而有遺憾先叫人生。

最後,呢套神作仲有一首片尾神曲《直到世界的盡頭》,呢首歌雖然成日唔知佢入面啲日文點解,但就係一聽就會覺得好激動好感動,再配埋漫畫入面嘅鏡頭,我真係好想知有幾多個籃球迷可以唔被感動呢?其實我都只係想一班籃球迷又再聽番呢首歌,一齊熱血下,今晚就去打波啦!

《直到世界的盡頭》主唱:Wands

由Denis Villeneuve執導嘅史詩科幻大片《Dune: Part Two(沙丘瀚戰:第二章)》叫好又叫座,截止目前全球累計票房高達5.79億美元,於各大影評網站獲得高度好評,就連名導史提芬史匹堡亦給予高度肯定,大讚《Dune 2》 ...
hobby
【影視】史提芬史匹堡大讚《沙丘瀚戰2》:我看過最精彩的科幻電影之一
28 Mar 2024
因為「掌摑事件」而沉寂咗一排嘅Will Smith,今年夏天將聯同老拍檔Martin Lawrence再次回歸大銀幕,繼續搞笑互相鬥嘴。 經典動作喜劇《Bad Boys(重案夢幻組)》最新續集《Bad Boys: Ride or Die(重案 ...
hobby
【影視】Will Smith沉寂兩年回歸!《Bad Boys 4 重案夢幻重組再重組》公開首部預告
28 Mar 2024