{ SKIP }
文:MenClub 波特先生  圖:互聯網
POSTED ON 03 Jan 2018

上季無緣歐聯嘅阿仙奴,今季依然無咩好大嘅轉變,賽季過左一半有多現以11勝5和5負排名聯賽榜第6位,好大機會連續兩年無緣歐聯嘅賽事。而其實阿仙奴能夠到今日仍然排到第6位,除左全靠今季個人攻入8球新加盟嘅拿卡錫迪之外,就係靠攻入7球嘅「山神」山齊士。不過黎緊下半季各位槍迷好可能唔會再見到「山神」啦,因為領隊雲加有意喺冬季轉會窗將佢賣走!

最新嘅消息指,阿仙奴領隊雲加有意喺今個冬季轉會窗將山齊士賣走,定價為$2500萬鎊。以現時球壇球星們嘅轉會費作為參考(尼馬價值2.2億歐元),山齊士只係2500萬鎊,真係差唔多只係尼馬嘅八分之一,所以價錢黎講真係平得好緊要。
而有興趣收購山齊士嘅球隊可以話絕對唔少,其中最有興趣嘅相信就係同為英超嘅曼城及法甲班霸巴黎聖日耳門。雖然雲加其實並唔想送走「山神」,但係由於呢位智利射手唔願意同阿仙奴續約,而佢同球隊嘅合同喺今年夏天就會到期,再加上佢同隊友嘅關係已經出現裂痕,為免到時人財兩失,所以雲加只好喺今個冬季轉會窗盡快將佢賣走,以換取相應該嘅報酬。
如今開出2500萬鎊對於雲加黎講實在係一個好難嘅抉擇,因為喺去年夏天曼城曾為山齊士開出6000萬鎊嘅轉會費,但雲加並唔願意將呢位愛將送到聯賽主要競爭對手中,所以曼城最終未能得到呢位射手。而如今正受傷兵困擾嘅佢地,如果能夠得到山齊士勢必令無人可用嘅情況大大舒緩,但明顯藍月亮如今需要面臨住更加巨大嘅競爭。
以雲加嘅取態,相信山齊士應該唔會去到曼城,並且更大傾向係將佢賣離英超,以免佢成為自己嘅直接對手,所以山齊士嘅下一站將好大機會係巴黎聖日耳門及巴塞隆拿。
現年29歲嘅山齊士,喺2014年以3170萬鎊轉會費由巴塞隆拿加盟阿仙奴,今季係佢喺槍手效力嘅第4個球季,至今佢一共上陣163場攻入80球。
由Denis Villeneuve執導嘅史詩科幻大片《Dune: Part Two(沙丘瀚戰:第二章)》叫好又叫座,截止目前全球累計票房高達5.79億美元,於各大影評網站獲得高度好評,就連名導史提芬史匹堡亦給予高度肯定,大讚《Dune 2》 ...
hobby
【影視】史提芬史匹堡大讚《沙丘瀚戰2》:我看過最精彩的科幻電影之一
28 Mar 2024
因為「掌摑事件」而沉寂咗一排嘅Will Smith,今年夏天將聯同老拍檔Martin Lawrence再次回歸大銀幕,繼續搞笑互相鬥嘴。 經典動作喜劇《Bad Boys(重案夢幻組)》最新續集《Bad Boys: Ride or Die(重案 ...
hobby
【影視】Will Smith沉寂兩年回歸!《Bad Boys 4 重案夢幻重組再重組》公開首部預告
28 Mar 2024