{ SKIP }
文:MenClub 波特先生  圖:互聯網
POSTED ON 19 Jul 2018

年屆36歲嘅「閃電俠」Dwyane Wade,雖然岩岩嘅季後賽仍然場均交出16.6分,但至今都仲未收到熱火方面提供令佢滿意嘅續約合同,要知道呢份合同好大機會就係Wade球員生涯最後一份合同。

雖然仲未確定熱火會唔會為Wade開出合同,但係最新消息指Wade已經與中國運動品牌李寧簽下一份終身合同,亦即係佢終身都會為呢個品牌代言,而合約中就要求Wade以後要經常到中國開展籃球事務,並參加及開辦訓練營幫助年輕球員成長。同時,李寧牌亦為Wade推出其Wow系列全新嘅第七代籃球鞋!

2011年Wade由Jordan Brand轉投李寧牌,今年已經黎到第7年,其品牌Way of Wade(Wow)籃球鞋亦黎到第七代,而作為熱火隊嘅傳奇人物,同時其極好嘅球品,令Wade擁有非常多嘅球迷,所以預計即使Wade未來退役後仍然會有唔少球迷繼續關注及追隨佢。

可能會有球迷問,點解Wade情願代言中國品牌,亦唔願意繼續為世界知名嘅Jordan Brand代言。Wade表示,Jordan Brand確實係一個非常出色嘅品牌,但佢係屬於Michael Jordan的,而唔係佢的,佢想擁有一個屬於佢自己嘅品牌,所以佢決定當與Jordan Brand嘅合同到期後,就毅然轉投李寧旗下。

可能你對李寧呢個牌子唔太有信心,不過佢地確實喺Wade身上投資左唔少,除左已經為佢推出第7代籃球鞋之外,喺國內更加設置11間Wade嘅專門店,可想而知佢地對Wade有幾重視!

對於Wade黎講,品牌係邊間並唔係最重要,最重要嘅係佢想擁有屬於佢自己嘅品牌,而李寧牌就滿足到佢,所以佢願意繼續信任呢個品牌,去建立自己嘅籃球鞋品牌!

由Denis Villeneuve執導嘅史詩科幻大片《Dune: Part Two(沙丘瀚戰:第二章)》叫好又叫座,截止目前全球累計票房高達5.79億美元,於各大影評網站獲得高度好評,就連名導史提芬史匹堡亦給予高度肯定,大讚《Dune 2》 ...
hobby
【影視】史提芬史匹堡大讚《沙丘瀚戰2》:我看過最精彩的科幻電影之一
28 Mar 2024
因為「掌摑事件」而沉寂咗一排嘅Will Smith,今年夏天將聯同老拍檔Martin Lawrence再次回歸大銀幕,繼續搞笑互相鬥嘴。 經典動作喜劇《Bad Boys(重案夢幻組)》最新續集《Bad Boys: Ride or Die(重案 ...
hobby
【影視】Will Smith沉寂兩年回歸!《Bad Boys 4 重案夢幻重組再重組》公開首部預告
28 Mar 2024