{ SKIP }
文:MenClub 魏文青  圖:互聯網
POSTED ON 21 Apr 2015

社會進步、科技發達、經濟蓬勃,的確為我哋帶黎好多新樂趣(即係例如你每晚返屋企睇達哥咁),但同時亦令我哋失去咗一啲舊樂趣--例如「修理」嘅樂趣。好簡單,以前讀緊初中嘅年代,如果部電話壞咗,即使係一部由你老豆傳畀你呀哥再傳畀你嘅三手電話,你都會千方百計整返佢(除非你嗰部係傳說中嘅3310,你個腦壞都未論到佢壞),但依家六、七千銀一部iPhone,跌爆個Mon立馬再出一部大家都係面不改容。日日揸喺手跟出跟入嘅電話都落得如斯下場,又點會有人去整啲我哋已經遺忘咗嘅嘢--例如一本書?

冇錯,書,係有得整嘅!日本節目《修理、魅せます》,走訪多位修理達人。其中一集訪問「修書」達人岡野暢夫先生,睇住佢將一本甩皮甩骨嘅字典整到新嘅一樣!成件事,其實好浪漫!



呢位就係岡野暢夫先生

而呢本,就係今次要修嘅「英和.和英字典」


首先將舊書面、書脊移除,再用工具將書背脊上的舊膠水剷走。


原本藏於扉頁的地圖,已經變得破破爛爛,所以用新紙裱起。可惜嘅係缺失咗嘅部份就無法復原。


至於因為經常翻閱而摺起的書角…

就先用小鋏子放平,再用熨斗熨直。


然後是經手累月,被時間與汗水染色的書口、書頂…

則用鍘刀一次過鍘走(對,所以修復後的書會較小)


最後就是貼上新封面…大功告成!



睇哂成條片,係咪有一股莫名其妙嘅感動呢?係咪好想拎返本深愛嘅書去修理呢?但係你心愛嘅書浸到巢哂?仲滴緊水?咁呀…不如曬曬佢先啦?


X
由Denis Villeneuve執導嘅史詩科幻大片《Dune: Part Two(沙丘瀚戰:第二章)》叫好又叫座,截止目前全球累計票房高達5.79億美元,於各大影評網站獲得高度好評,就連名導史提芬史匹堡亦給予高度肯定,大讚《Dune 2》 ...
hobby
【影視】史提芬史匹堡大讚《沙丘瀚戰2》:我看過最精彩的科幻電影之一
28 Mar 2024
因為「掌摑事件」而沉寂咗一排嘅Will Smith,今年夏天將聯同老拍檔Martin Lawrence再次回歸大銀幕,繼續搞笑互相鬥嘴。 經典動作喜劇《Bad Boys(重案夢幻組)》最新續集《Bad Boys: Ride or Die(重案 ...
hobby
【影視】Will Smith沉寂兩年回歸!《Bad Boys 4 重案夢幻重組再重組》公開首部預告
28 Mar 2024