{ SKIP }
文:MenClub 魏文青  
POSTED ON 28 Jul 2015
繼上一次嘅「六本木Avengers Base」,目前身在日本嘅文青又去咗另一個動畫展。今次就係位於六本木Hills「森之美術館」嘅《The Art of Gundam》展。話說初代《高達》由1979年8月開播,到上年就啱啱好35週年,為咗紀念呢套改變日本動漫走向嘅經典之作,於是上年夏天就喺大阪舉行過一次《The Art of Gundam》展,今年夏天就移師東京舉行。




由於係紀念(元祖)高達開播35週年,所以一切展品都係同《高達》有關。當中包括一入門口就見到、由上年大阪場參觀者共同完成嘅1000部渣古+吉姆。




只需要520Yen(約32港紙)就可以租一部聲音導覽,仲有得揀阿寶(古谷徹)、馬沙(池田秀一)同美莉(白石冬美)三把聲,識日文嘅不妨一試。




一入埸就先畀你睇條片。呢條立體映像係上年大阪埸嘅《ALL G Tribute Chronicle (ALL G トリビュート・クロニクル)》嘅Ver.2,但由於文青冇去過大阪嗰埸,所以唔好問我Ver.1同2究竟有咩分別。

反正呢條Ver.2就喺以白色基地內嘅角度,重現一次動畫第五集《突入大氣圈》嘅情節,Fans們睇到都應該幾熱血。




接住落黎就係主展區。今次東京場展出咗過千件當年動畫嘅製作文件,當中包括富野由悠季嘅故事設定、大河原邦男嘅機設進程、以及Sunrise當年製作嘅動畫原畫等等等等。可惜日本展覽有個特點,就係唔畀影相,咁參加者就唔怕上網被人劇透哂。但對於文青黎講就係一大難題。因為我就被逼要做冇圖冇Seed嘅不孝子。咁就唯有偷人圖再講啦。






(以上圖片來源)


話說當年正值《宇宙戰艦大和號》大熱之時,於是當時嘅「日本Sunrise(現Sunrise)」決定倣效,製作類似嘅科幻動漫。剷本本來以法國小說《十五少年漂流記》為藍本,講述十五名少男少女乘上宇宙船並且捲入宇宙戰爭嘅故事,但後來由於贊助之一、玩具製造商「Clover」希望有人型機械人登埸,於是團隊又轉為參考美國作家Robert Heinlein所著嘅《Starship Troopers》,並將當中嘅機甲戰鬥服改為大型機械人。初時嘅名稱係「Gunboy」,後來又改成依家嘅「Gundam」。













展覽中亦展出多幅機設原畫。當中又以高達同白色基地最為詳盡。

















臨到出口,亦係唯一一個可以影相嘅展區。除咗有「Post上FB專用」嘅高達頭,仲展出咗多個特別設計嘅模型展示箱,利用光影營造立體效果。










展區最後一部份就係限定商店,當中最搶手嘅當然係東京會場限定嘅「HG 1:144 RX78-2 Gundam Ver.G35th Base」同「MG 1:100 Wing Gundam Proto Zero」,尤其前者附送35週年紀念地台,都只係賣1300Yen(約80港元),真係抵到爛!





當然,如果你想「大人買」嘅話亦可以選擇呢兩隻會場特別版「金SD高達」同「銀SD高達」,只不過係(金)378萬Yen(約23.7萬港紙)同(銀)27萬Yen(約1.7萬港元)咋嘛。





同場加映黎緊播映嘅新高達動畫《鐵血的孤兒》中嘅「ガンダム・バルバトス」。呢部喺預告圖中就以「纖腰」而聞名嘅高達,經文青實地考察,嚴格上係冇腰嘅。




簡單黎講,雖然《The Art of Gundam》要2000Yen(約125港元)入場費,而且整個展區唔算太大,最多都係消磨半個下晝,但如果你係個初代高達迷,淨係嗰1000張原畫都有排你睇。如果想買模型嘅話就更加不能錯過!成個展覽去到9月27日先完,如果8月開始仲有《Seed Astray》嘅「Red Flame」、《00》嘅「00 Raiser」同《UC》嘅「獨角獸」透明版添!



機動戦士ガンダム展 THE ART OF GUNDAM
時間:
2015年7月18日 ~ 9月27日 會期中無休 10:00 ~ 20:00(19:00後停止入場)

會場:六本木新城 森藝術中心畫廊 (六本木ヒルズ 森アーツセンターギャラリー)
地址:東京都港區六本木6-10-1六本木新城 森中心52樓 (東京都港区六本木6-10-1六本木ヒルズ森タワー52階)
網址:http://www.gundam-ten.jp/

由Denis Villeneuve執導嘅史詩科幻大片《Dune: Part Two(沙丘瀚戰:第二章)》叫好又叫座,截止目前全球累計票房高達5.79億美元,於各大影評網站獲得高度好評,就連名導史提芬史匹堡亦給予高度肯定,大讚《Dune 2》 ...
hobby
【影視】史提芬史匹堡大讚《沙丘瀚戰2》:我看過最精彩的科幻電影之一
28 Mar 2024
因為「掌摑事件」而沉寂咗一排嘅Will Smith,今年夏天將聯同老拍檔Martin Lawrence再次回歸大銀幕,繼續搞笑互相鬥嘴。 經典動作喜劇《Bad Boys(重案夢幻組)》最新續集《Bad Boys: Ride or Die(重案 ...
hobby
【影視】Will Smith沉寂兩年回歸!《Bad Boys 4 重案夢幻重組再重組》公開首部預告
28 Mar 2024