故事方面，其實老早於上年七月就已經公佈咗今次嘅特別版會係一個獨立故事－－主角都冇變又點獨立？答案就係個時間係獨立嘅。有別於以往三季嘅《Sherlock》，今次嘅特別版會「重回」1895年維多利亞年代嘅英國，又或者準確啲講，即係柯南道爾爵士嘅《福爾摩斯》原著所發生嘅年代。再換句話講，就係特別篇同正篇應該係冇關係嘅！

而根據英國《衛報》所報導，《Sherlock》編劇Steven Moffat指特別編嘅故事會比正篇黎得陰森恐怖，甚至會有鬼故原素－－因為維多利亞年代最啱就係做呢啲嘢喎。