對上一隻game能夠變成社會話題，不論有冇打機都會識嘅就係《GTA5》，而最近人人都講嘅就有《Fallout 4》。呢隻game人氣咁高，原因係太好玩，毒性太強，玩兩玩唔覺又天光，身邊唔少朋友都因此打機而「射波」。因為打機而唔返工都已經任性，如果好似呢條片咁掛住玩《Fallout 4》，搞到影響感情，夫妻生活不協調就大件事喇。

外國有人拍咗條片《Fallout 4 Ruined My Life》，曲線講《Fallout 4》好玩到冇朋友，個個都因為打機而忽略身邊嘅人，話遊戲摧毀咗佢哋嘅 人生，女朋友掛住打機唔講嘢，搞到眾叛親離兼要組織自救會添。雖然呢條片只係搞下笑，但打機真係唔好太沉迷而唔理身邊嘅人呀！