Unifed Weapons Master係結合歐洲古武術、中國功夫同兵器武術嘅比賽，比賽時好似羅馬競技場嘅困獸鬥咁，要喺圓形場地內限時擊敗對手。雙方上陣時可以隨意選擇自己擅長嘅兵器，入面嘅刀劍都係擬真兵器，用膠代替金屬，所以唔會造成致命傷害。

主辦單位為加強比賽實戰感同氣氛，更開發出第二代護甲Lorica Mk II，上面佈滿感應器，可以偵測到打中邊度同造成幾多傷害，打中就會慢慢扣HP，如果打中致命位置就一招死，真係好似打緊格鬥game咁。Lorica Mk II係由碳纖同複合物料造成，由澳洲Chiron Global開發，比上代更輕身，而且關節動作會更靈活，內層有固定同散熱功能，碳纖提供堅固保護。參賽者話好處係唔怕整傷對手同自己，可以用盡全力比賽，令比賽可以更加刺激。