{ SKIP }
文:MenClub 魏文青  
POSTED ON 24 Aug 2016
可謂近年港人最冷淡對待嘅里約奧運曲終人散,但因為一條非常出色嘅接棒短片,大家好似又好期待2020嘅東京奧運咁,畢竟見到瑪利奧、Pac—man等等電玩角色出現,又真係幾興奮嘅!而日本奧委會近日就推出埋官方紀念品,繼續以動漫人物做賣點,更重要嘅係——繼續冇比卡超!


今次日本奧委會推出嘅產品分做「奧運」同「傷殘奧運」兩個系列,實際上係產品嘅字眼同標誌有唔同,款式就基本上係一樣。產品由T恤到Tote Bag再到毛巾、水杯甚至飯盒都有。主題方面就係多位經典動漫人物,再以大紅色字寫出作品名稱。當中包括悟空、路飛、鳴人、阿童木、小新、月野兔、來自《魔法使!光之美少女》嘅朝日奈未來同十六夜理子,以及《妖怪手錶》嘅地縛喵。


嗱呢個名單就值得斟酌啦。首先《Jump》嘅三大男主角加阿童木就應該冇咩人有異議,小新、月野兔同光之美少女我就當你係迎合女性市場,之但係《妖怪手錶》啦喎,雖然人氣係好勁,但近期挾住《Pokemon Go》個勢嘅比卡超又會唔會更加適合呢?


事實上呢個問題喺之前條接棒片都有人提出過,「點解條片冇比卡超?」。根據《Buzzfeed Japan》嘅報導,東京奧委會方面提出嘅答案係,因為條片係年頭整落,當時《Pokemon Go》未出,人氣只能算係普普通通,所以佢哋就用咗全球銷量超過3億套嘅《Super Mario Bros.》黎做主角,而唔係「只有」2億幾銷量嘅《Pokemon》喎!

其實又唔係完全冇比卡超份嘅,早排官方就公佈咗個《Pokemon》X 《Naruto》嘅疑似襟章。


不過可以肯定嘅係,日本方面好清楚自己嘅文化實力,亦非常樂意利用聞名世界嘅動畫電玩黎推廣奧運,都算係為近年冇咩新意嘅奧運加咗啲生氣。仲有四年先到2020,大家就一齊期待下仲會有咩動漫元素登場啦!
Tokyo 2020 Official Online Shop
由Denis Villeneuve執導嘅史詩科幻大片《Dune: Part Two(沙丘瀚戰:第二章)》叫好又叫座,截止目前全球累計票房高達5.79億美元,於各大影評網站獲得高度好評,就連名導史提芬史匹堡亦給予高度肯定,大讚《Dune 2》 ...
hobby
【影視】史提芬史匹堡大讚《沙丘瀚戰2》:我看過最精彩的科幻電影之一
28 Mar 2024
因為「掌摑事件」而沉寂咗一排嘅Will Smith,今年夏天將聯同老拍檔Martin Lawrence再次回歸大銀幕,繼續搞笑互相鬥嘴。 經典動作喜劇《Bad Boys(重案夢幻組)》最新續集《Bad Boys: Ride or Die(重案 ...
hobby
【影視】Will Smith沉寂兩年回歸!《Bad Boys 4 重案夢幻重組再重組》公開首部預告
28 Mar 2024