開發商GAINAX喺1991年推出呢款育成遊戲之後大受歡迎，當年唔少人都因為佢而學識裝DOS/V添！《美少女夢工場》系列一直出到第5集，而上年仲出埋手機版添。今次同韓國CFK合作推出嘅《美少女夢工場 2》復刻版，主要係所有角色都會加入配音，而且今次會有日文、中文、韓文同英文版，售價為20美元，預定今年秋季上線。至於玩法仍同以前一樣，所以與其話係美少女夢工場，不如話係獸父欲成計劃，事關當年唔少人都狂推個女出去打工，8年之後就嫁畀自己，實行光源氏計劃至真。