三倍速碌爆? 三井住友馬沙信用卡

文：MenClub 魏文青　　
POSTED ON 26 Oct 2016

當一張信用卡加上馬沙，係咪代表會三倍速碌爆呢？未必嘅，不過如果我有張咁靚嘅信用卡，我就一定會以三倍速拎張卡出黎碌啦！

日本三井住友銀行都唔係第一次出《高達》聯乘嘅信用卡，之前都有出過以高達同渣古為設計嘅。今次就以紅彗星馬沙為主題，總共有兩款設計。A款有半身馬沙喺正中，再加上馬沙嘅紋章喺側邊。B款就係馬沙紋章喺中間，側邊再加馬沙以及馬沙專用渣古嘅剪影。而且兩張都係紅噹噹咁超級搶眼。除咗靚之外，張卡同馬沙一樣都有「三倍速」，不過其實係購物有三倍積分。

另外成功申請，仲會送「馬沙專用Prepaid Card」。設計上同B款差唔多，只係變咗整體變咗黑色，馬沙紋章就變做暗紅，個人就認為比信用卡B款更加有型。而又另外，如果申請之後消費滿一定金額，仲送隻特別版1/144 RX-78-2 G30th過你添！