{ SKIP }
文:MenClub 魏文青  
POSTED ON 17 Jan 2017
唔覺唔覺,《變形金剛》已經拍到第五集,大家亦由好期待套戲,到期待導演Michael Bay會喺套戲到炸爛幾多嘢。黎緊佢又會出第五集,早前公佈嘅預告中仲有隻疑似「黑化」咗嘅灰色柯柏文,究竟點解佢變灰就要等電影上咗先知,但如果你想知佢成身嘅造形係點,就可以睇下孩之寶最近公佈嘅新玩具啦!


孩之寶上個星期喺香港舉行咗全球首個發佈會,會上公開咗亞洲限定嘅「領袖級Shadow Spark柯柏文」。今次呢隻「灰柏文」一改以往藍加紅嘅色調,幾乎全身都變咗做灰色,再加上一身戰損,相信就同佢喺宇宙中飄浮咗好一會兒有關。另外眼睛顏色都轉咗做紫色、再加上預告中佢竟然同BumbleBee打起上黎,難怪有人猜測佢今集會黑化。

而玩具本身就有20個變形步驟,可以由貨櫃車變形至機械人,亦有大劍同盾等武器。



同場公佈嘅另一隻,就係為咗紀念電影十週年而推出嘅「Master Piece」BumbleBee。話哂係十週年,所以出嘅就係第一集入面嘅Chvrolet Camaro經典造形。作為孩之寶出嘅最高級系列,今次嘅BumbleBee加入咗合金組件,據說就會墜手啲同「扎實」啲,不過因為發佈會當日只係「眼看手勿動」,所以睇黎就要之後借到實物返黎先知係唔係啦!


據知上面兩款玩具都會喺17年第一、二季中推出,到時再同大家報導啦!


由Denis Villeneuve執導嘅史詩科幻大片《Dune: Part Two(沙丘瀚戰:第二章)》叫好又叫座,截止目前全球累計票房高達5.79億美元,於各大影評網站獲得高度好評,就連名導史提芬史匹堡亦給予高度肯定,大讚《Dune 2》 ...
hobby
【影視】史提芬史匹堡大讚《沙丘瀚戰2》:我看過最精彩的科幻電影之一
28 Mar 2024
因為「掌摑事件」而沉寂咗一排嘅Will Smith,今年夏天將聯同老拍檔Martin Lawrence再次回歸大銀幕,繼續搞笑互相鬥嘴。 經典動作喜劇《Bad Boys(重案夢幻組)》最新續集《Bad Boys: Ride or Die(重案 ...
hobby
【影視】Will Smith沉寂兩年回歸!《Bad Boys 4 重案夢幻重組再重組》公開首部預告
28 Mar 2024