揸車、滑水、踩單車、跑步，以至跳降傘時用GoPro已經唔算有新意。咁不如試吓裝喺人類最好嘅朋友──狗狗身上。

GoPro剛發表了畀犬隻使用的GoPro mount。其中一款畀狗隻喺背部同心口位，分別戴住1個GoPro。嘩！一個「Cam Man」攞兩部機，搏到呢！

據GoPro表示，呢兩款mount適合重量由7kg至54kg的狗狗，mount嘅軟索帶可伸縮調校，接近繫穩GoPro的基礎有軟墊包住，避免狗狗長期貼近而有不適或磨傷。整個mount可以用水洗，換言之，狗狗有得同主人去街街玩到癲，衝落泥窪或玩到成身污糟邋遢都冇緊要。

狗狗對於有新玩具，佢哋點睇？「我寧願瞓吓食吓，坐住主人部紅色開篷跑車去sunday morning drive，喺石澳望吓狗女好過，拍片嘅嘢，主人肯定靚過我，尋晚我見佢同姐姐喺床⋯⋯」