香港啲樓除左又細又貴，我覺得最討厭嘅就係啲間格都差到爆。每個單位其實淨係得一種擺傢私嘅方法，有時想話郁一郁啲擺位換下Feel都唔得，更加唔好講啲咩特別設計，想砌間有些少個人特色嘅房？你諗都唔好諗！

所以望住呢間由美國設計師Steve Kuhl設計的海盜船屋，我地真係淨得個恨字。你睇人地先用吊橋上船，上面有瞭望台、船長位、仲有條垂繩落返去衣帽間……如果真係有間咁嘅房我每朝起身都一定會大叫「我是會成為海賊王的男人！！」