{ SKIP }
文:MenClub 魏文青  
POSTED ON 04 Dec 2017
踏入年尾,天氣除咗轉涼之外,落雨嘅日子都少咗,亦意味住大家出街唔再需要用成龍嘅身手黎避嗰班有遮行簷蓬底、行街用遮開路嘅「擔遮狂人」。其實唔止香港有呢啲完全唔顧別人感受嘅人,就連一向出名公民性極高嘅日本都有類似嘅行為。日本插畫家「Haniho_stamp」就用親身經歷教大家應該點拎遮——如果第時擔遮真係要考牌,呢兩張圖絕對係教材!

「Haniho_stamp」今次針對嘅係點樣拎一把冇開嘅遮,重點係避免遮尖會篤到人。首先佢畫出前後9種錯誤嘅拎遮方法,其中「橫持」同「斜持」喺香港亦不在少數,「手袋外側」亦常見於拎住一袋二袋嘅太太們身上。後來追加嘅兩款中仲有針對老人家嘅「划船式」,指一手拎嘢一手拎遮嘅老人家總會不自覺地揈隻手黎保持平衡,有如划船一樣前隊後插。
又唔係以為「Haniho_stamp」只係為咗笑人呀,佢其後就再畫咗幾張圖黎教大家點拎遮先最唔會阻到人。其實基本概念好簡單,就係儘量令遮同自己嘅身體成垂直平衡,無論係拎住遮柄、掛喺前臂定係揹上膊頭都冇所謂。不過要小心如果掛喺前臂,而你又用同一隻手睇電話時,把遮會自然向斜前伸出。另外如果坐地鐵,最好嘅方法就係垂直收喺兩腿中間,避免遮尖向前伸Kick到人。
早前Facebook 專頁「觀塘小葉總」都有推出同類型插圖,不過就針對擔遮。
擔遮要考牌當然係個笑話,但亦提醒大家擔遮時要顧及他人——你唔想淋濕,都唔代表人哋想被你把遮隊濕架嘛。
haniho_stamp on Twitter
由Denis Villeneuve執導嘅史詩科幻大片《Dune: Part Two(沙丘瀚戰:第二章)》叫好又叫座,截止目前全球累計票房高達5.79億美元,於各大影評網站獲得高度好評,就連名導史提芬史匹堡亦給予高度肯定,大讚《Dune 2》 ...
hobby
【影視】史提芬史匹堡大讚《沙丘瀚戰2》:我看過最精彩的科幻電影之一
28 Mar 2024
在1994年拍攝的電影《阿甘正傳》(Forrest Gump),是無數影迷心目中的經典之作,而 Forrest Gump 在電影中穿著的 OG Cortez ,也因電影的推波助瀾之下,而成為了經典鞋款,這雙紅、白、藍配色的 OG Cortez 亦有「阿 ...
style
Forrest Gump 在《阿甘正傳》穿著過的 Nike Cortez 阿甘鞋,以天價 $57500 美元賣出!
28 Mar 2024