住酒店....你實遇過呢10種人

POSTED ON 26 Oct 2016

去旅行你最怕遇到咩嘢人？入到酒店最怕遇著咩房客？你問我我實答你土豪級強國人，你諗下連廁所板都偷，用埋浴缸養埋蟹，誇＿張，不過老實講......香港人都唔係好好多...... 前排網上旅行社Expedia就做左個調查，接觸了1,104位18歲以上嘅港人，訪問咗其中935位，發現呢世代嘅人揀酒店首選Wi-Fi、之後先到價錢同位置（sor我都係覺得週圍有便利店緊要D）。調查結果嘅後半，先先至係重點。
Expedia我最討厭房客排行榜（by受訪賓客╱圖：阿塗）

第十位：電梯開籠雀 23% 同陌生人一架Lift，正路你眼望我眼都會老尷，不幸碰著開籠雀，同你鬼死咁多口水，如果講嘢大聲，真心渡日如年。

第九位：戲水嘩鬼26% 去泳池名義上去游水，實際上係去「昅」女，或者幫女友影泳池相，我就想靜靜地抖下姐。不過遇著房客開pool party，又酒又女，最唔開心係無得去囉。

第八位：抱抱團團長29% 見到情侶當按摩浴池當做自己私家池，又摸又錫，老細～返客房先做啦，眼冤呀！

第七位：醉酒鬼39% 醉酒佬點會唔煩？當酒吧出現此類人種，定必破壞酒吧浪漫氣氛。

第六位：投訴達人 52% 排排下隊，前面一個投訴達人，將小事化大，大吵大鬧，煩到一個點。成日都有人講香港人投訴已經同新加坡人齊，得罪講句，一早超越左啦。

第五位：放任家長 54% 帶得自己仔女去旅行，作為家長有責任睇住自己小朋友，無論因為時差覺得攰而喊、發脾氣、同嘈。負責任呀，唔識教真係唔好生，要知道你點仔女，他日你都係咁受嫁。

第四位：鬧交房客 56% 好多人都話情侶去旅行係測試可否長久下去的機會。爭拗是常見事，不過將酒店變成戰場，就地開片，嘈到左鄰右里冇覺好瞓，小弟生平都遇過唔少！第三位：噪音情侶58% 最不可思議的入選，其實夜媽媽聽到隔離房Pair情侶情話綿綿，都唔好騷擾姐.....同項選擇在日本、台灣、印度、新加坡及美國等地的同類調查中四強不入，甚至比「放任家長」還低，在台灣更是最能被接受的討厭行為，香港人～Come on!
第二位：喪爆鄰居 59% 酒店遇上隔壁房客搞派對，嘈到拆天！雖然去旅行是值得高興，但還請各位貴賓狂歡時多多體諒住在旁邊的房客… 第一位：走廊歌手68% 人在異地，自然無形象包袱，在酒店走廊高聲聊天甚至高歌其實唔罕見，調查發現有36%受訪者曾經因為走廊嘅「刺耳」噪音而被嘈醒，可能你估唔到走廊係咁應聲.....無心睡眠…希望各位旅客日後將心比己，將在走廊高歌的音量收細。
source：Expedia HK