{ SKIP }
文:MenClub Mean娜  圖:MenClub
POSTED ON 22 Jul 2014
旺角廣華街仁安大廈的室內地舖街,多年來都有大量軍事模型店、War Game店,以至汽車模型店。近年,陸續出現新商戶,同樣售賣男士另一恩物──二手錶,令本來充滿戰鬥味嘅男人消費地帶,增添咗幾分公子味道。


二手錶店遷徙

有本地的二手錶店業人士表示,過去大半年彌敦道一帶商場的租金急漲,有見廣華街一帶地舖的租金明顯有優勢,馬上「轉場」。

據Ken’s Watches及London Watch的負責人向我們表示,有見外面租金(例如彌敦道一帶的商場)愈來愈貴,加上見到仁安大廈地鋪已有約10間的二手或全新錶店,認為該地段已成二手錶客聚腳點,有穩定客源,遂決定遷入,希望「一齊做旺個市」。旺角有條「波鞋街」,好多亞洲,以至歐洲遊客都聽過,假以時日,旺角會否多一條「二手錶店街」?



香港人知窿路

仁安大廈室內地舖街雖然座落旺角幾十年,但始終屬邊緣地帶,而且真係「香港仔女」先至知。不過,錯有錯著,正因遊客不多,男士們可以慢慢隔住玻璃睇啱心水先行入舖。

另外,Ken’s Watches及London Watch的老闆都認為,內地客來港買錶,仍然主打新錶,箇中原因可能與消費文化及對二手錶選購知識不多有關,所以內地客自然不多。


港島MK大不同

究竟MK嘅二手錶店客有冇特別喜好?Ken’s Watches老闆Ken一句到尾:「好多潮人」。Ken目前擁有4間分店,3間位於港島,港島區分店會主攻上班族或高消費力客人,顧客揀錶偏向高價而斯文優雅的款式;他坦言旺角分店的買家,有不少均屬年輕潮人,喜歡「潮啲」、sporty及較易afford的錶款,一般來說,介乎3萬至9萬元。Ken特別為今次訪問,向我們展示了多款私人珍藏,包括他心愛的Rainbow Daytona。



London Watch 的Pierre與Wingo也表示旺角較多年輕顧客,所以會售賣市場上主流錶款,例如運動款勞力士。


玩錶儲錢有得威

唔熟悉腕錶文化,會覺得「玩錶」係老豆或阿爺嗰代嘅男人玩意,其實邊個年代嘅男人都愛「玩錶」,而錶亦係fashions,係潮物,二手錶一樣玩。

Ken’s Watches經理Gilbert認為市場上愈來愈多年輕人成為二手錶玩家,當中有相當數目的後生仔自知「難剩錢」,索性一次過或以分期形式購買具保值能力的型號,既能儲錢,亦可以威吓開心吓。筆者也認識同事靠「買錶儲錢」及購買基金,於33歲儲夠買樓首期。想快啲「上車」?大家不妨考慮。

勞力士永遠贏家

講到保值能力高的二手錶,好多人即時想到勞力士(Rolex),據London Watch的Pierre表示,勞力士除能夠在二手錶巿場屹立多年不倒,固然與機芯設計耐用可靠,「好多行咗幾十年,狀態仍好穩定」,而且實用性高。另外,廠方完善的售後服務也應記一功。「即使冇晒出廠時的文件,只要到廠方屬下的維修中心就幫你整,年代久遠的都幫到手。」

新手入門冇得懶

雖然好多人第一隻勞都會揀新錶,主要因為對二手錶知識不多,所以冇信心。如果你對二手錶有興趣,建議你無需心急,多啲做吓功課先,起碼要了解吓心水型號的資料背景,又或上網「刨文」,聽多啲讚同彈嘅意見。如果自問「彈藥」有限,諗住玩完一隻換一隻,最好都係選擇巿場上受歡迎的型號,一來較保值,二來易放售。當然,最好到商譽較佳的二手錶店幫襯啦。


在1994年拍攝的電影《阿甘正傳》(Forrest Gump),是無數影迷心目中的經典之作,而 Forrest Gump 在電影中穿著的 OG Cortez ,也因電影的推波助瀾之下,而成為了經典鞋款,這雙紅、白、藍配色的 OG Cortez 亦有「阿 ...
style
Forrest Gump 在《阿甘正傳》穿著過的 Nike Cortez 阿甘鞋,以天價 $57500 美元賣出!
28 Mar 2024
現時「Blockcore」風潮大行其道,可不少人也穿上球衣搭配牛仔褲和球鞋,不少時裝品牌也因此而推出新款球衣設計。不過對於英超球會曼城而言,他們更偏向於選擇了「機能風」時尚,皆因在剛剛,曼城宣佈與意大利頂級機 ...
style
C.P. Company 成為曼城合作夥伴,夏蘭特將會穿著 Goggles Jackets 示人?
27 Mar 2024