{ SKIP }
文:MenClub Patrick  圖:MenClub
POSTED ON 25 Aug 2014
提起3D打印機,可能好多人的印象依然是幾十萬、甚至過百萬一部的大型工廠款式,除了知道可以用來製造商品外,最貼身已經數到上年adidas請人整了一個200%的Eason作展覽之用。但其實這種技術已開始在香港普及,市面更出現了幾千蚊的3D打印機,比2D鐳射打印機貴不了多少,就連一般人也能夠買一部返屋企,問題只係有冇需要。到底成件事玩法係點?即刻為大家解構。



今日閉幕的電腦通訊節,代理商漢科便展出了兩款定價為$5,950及$7,950的3D打印機XYZprinting da Vinci 1.0及da Vinci 2.0 Duo,係今屆電腦通訊節的焦點之一,一於用它們來做例子解釋。




需有3D結構圖
首先,大家要記住一個概念:想印3D物件,你本身都要有包含X、Y、Z三維的物件結構圖先至得,不能隨便拿張2D JPG圖就話想print 3D。現時這些結構圖可在網上下載得來,包括簡單的物件、公仔、iPhone case等等;想有自創的結構圖的話,就需要用3D繪圖軟件自行繪製。



有了結構圖,就可用連接住XYZprinting 3D打印機的電腦,以隨機附送的專用軟件來開啟,繼而調校選項,例如打印成品的size要幾大?幾多%實心?用咩顏色等等。






單或雙色打印
說到這裏,就可以解釋da Vinci 1.0與da Vinci 2.0 Duo有何分別。前者具備一個打印頭,只能打印單色物件,後者則有兩個打印頭,能打印最多雙色的物件,所以da Vinci 2.0 Duo比da Vinci 1.0貴$2,000,但暫時無法印製3色或再多顏色的物件。






2D打印機需要碳粉或墨水等耗材,而3D打印機的耗材就是硬身的ABS膠。它以「墨盒」的形式發售,現推出了12種顏色,每盒$299。打印時,打印頭會把絲狀的ABS膠加熱溶化,再製成細小的六角形,一個個六角形組合在一起,便會變成不同的立體形狀。

過程需要幾耐?好視乎物件高度與厚度(實心度),印一個iPhone case大約只需半個鐘,但印一個幾乎全實心的8吋高公仔,可能需要12個鐘。而一盒$299的ABS膠「墨盒」,就大約夠印90幾個iPhone case,不算太貴。





主要針對設計師
XYZprinting 3D打印機及耗材的價錢已經去到民用水平,但原來代理商現時瞄準的,仍然是商用市場。漢科電腦公司的產品總經理Kristy Wong表示,他們的重點銷售對象其實係設計師,「香港有好多designer會設計模型、figure、家品、零件之類,佢哋經常需要整產品嘅模,但吓吓搵開模公司整會好貴,而且會嘥好多時間,3D打印機就啱晒佢哋好平又好快咁整模,就算改完又改,成本都低好多。而我哋另一個target市場係啲大專學校,佢哋啲學生都會啱用呢部機。或者都會有啲pro user真係想買部機返屋企用,自己印啲卡片座、人樣之類嘅獨家禮品送畀人,不過呢班人暫時仲係好少數。」


漢科電腦公司產品總經理Kristy Wong


雖然入門級3D打印機在香港仍屬新興產品,暫時未有數據顯示到市場有幾大,但Kristy仍然認為好值得由台灣將XYZprinting 3D打印機引進到香港。「香港人好肯試新嘢,尤其係部機唔貴,而且我哋未見到市場上有大牌子佔據住同級嘅市場,所以我哋只要快人一步,應該做得過。台灣廠商畀我哋嘅數字,係佢哋由5月開售起計,全球大約賣咗9,000部,我諗香港應該大約每月賣到50部左右。」


其實Kristy留意3D打印機已有一段時間,之前聯絡過一些大陸廠,他們雖有更平的機款,卻畀不到信心Kristy,所以最終選擇引進有十幾年生產OEM printer經驗的XYZprinting的出品。「始終安全問題好重要,因為打印頭溶膠嗰陣有成二百幾度;至於專業級可以整埋金器嗰啲機款,就更加高溫好多倍,而且太大部,香港未必carry到,所以我哋唔打算引進返香港。」不過她透露今年第四季將會推出具備scan功能的款式,能將物件scan完再複製出來。

售價:$5,950(XYZprinting da Vinci 1.0)、$7,950(XYZprinting da Vinci 2.0 Duo)
查詢:漢科 beta.hornington.com




其他入門3D打印機
其實入門級的3D打印機並不止XYZprinting那兩部,不過其他同級機款都賣過萬元,而所用的技術卻是差不多,所以XYZprinting兩部機算是目前最抵用的3D打印機。



Manli Simply Print 3D
電腦顯示卡廠商Manli推出的入門級3D打印機,主攻歐美市場,不過也快將在香港開售,聲稱能用更簡單直接的方法去打印,省卻部分工序。預計售價:US$1,299(約$10,100)



Ricoh MakerBot Replicator Mini
日本大廠Ricoh的出品,現已推出,體型只有書包般大小,而且標榜簡易操作及更換耗材,對象層面擴展至中、小學。售價:$13,000

自Blue Origin及Virgin Galactic於過去兩年分別成功載人上太空後,「商業太空旅行」就由小說情節,成為現實中可行嘅體驗不過,當然係只限有錢人體驗啦。而睇黎有錢人已經唔滿足於「飛上去望下個地球就落返黎」,而係 ...
tech
【太空】真 ‧ 離地餐廳 400萬上太空 望住地球食米芝蓮
28 Mar 2024
若然消息屬實,iPhone 16 Pro機身側邊將加入一個全新按鍵「Capture button」,大小與電源鍵差唔多,能方便用戶拍攝及錄影。
tech
【科技】疑似iPhone 16 Pro保護殼曝光!機身側邊加入全新「拍攝」按鍵?
27 Mar 2024