{ SKIP }
文:MenClub Patrick  圖:互聯網
POSTED ON 29 Aug 2014

做人唔識睇人眉頭眼額,唔知對方係開心定嬲緊,真係幾易撞板。若你自問呢方面能力比較低的話,日後可以借助Google Glass嚟幫你,事關佢將會有套叫做SHORE嘅程式,識得分析同你講緊嘢個人情緒係點,提醒你講番啱聽嘅說話。





呢套程式由係歐洲應用科學機構Fraunhofer Institute開發,憑住分析對話者五官嘅特徵同變化,推測出佢嘅年齡、性別同情緒係點,包括發嬲、高興、傷心同驚訝。雖然只得四種情緒顯示,但已經係最緊要嗰啲,都夠捉到對方嘅反應。






據講SHORE已經研究咗幾年,剛剛喺Google Glass上推出測試版,打算冇耐後就會出正式版。Fraunhofer Institute話開發呢套程式嘅原意係用喺商業同零售服務行業上面,等用家同人傾生意或者sell客時,更準確咁掌握客仔情緒,提高推銷成功率。不過計我話,一啲唔識捉摸女仔反應嘅毒男都好需要佢,起碼知條女happy都識食住上講多兩句,知佢嬲緊都識得自動彈開。


自Blue Origin及Virgin Galactic於過去兩年分別成功載人上太空後,「商業太空旅行」就由小說情節,成為現實中可行嘅體驗不過,當然係只限有錢人體驗啦。而睇黎有錢人已經唔滿足於「飛上去望下個地球就落返黎」,而係 ...
tech
【太空】真 ‧ 離地餐廳 400萬上太空 望住地球食米芝蓮
28 Mar 2024
若然消息屬實,iPhone 16 Pro機身側邊將加入一個全新按鍵「Capture button」,大小與電源鍵差唔多,能方便用戶拍攝及錄影。
tech
【科技】疑似iPhone 16 Pro保護殼曝光!機身側邊加入全新「拍攝」按鍵?
27 Mar 2024