一年一度嘅WWDC 2018正式確定喺香港時間6 月 5 號零晨 1 點舉行，地點係美國加州聖荷西會議中心，Apple亦已經向媒體發出邀請。相信大家仲記得Apple 3月份嘅教育發佈會並無安排直播，但按照傳統，WWDC 2018一如以往都有安排Keynote直播。

WWDC 2018有咩重點呢？除咗有機會發佈新版本嘅iOS 12、MacOS 10.14、Watch OS 5 以及TvOS 12之外，亦都有機會更新硬件，例如新iPad Pro、iPhone SE2，或者更新Mac系列等，正如去年嘅WWDC，Apple都發佈咗HomePod、iMac Pro。

此外，今年WWDC嘅門票售價高達1599美元，並將隨機向開發者售票。同時，Apple亦向學生及STEM組織成員提供350個名額招待，其中包括一張免費嘅WWDC門票及聖何塞州立大學嘅免費住宿。