Ubisoft另一遊戲大作《刺客教條：奧德賽 Assassin’s Creed Odyssey》喺今年E3正式揭開神秘面紗，新作除咗新增咗女刺客之外，仲有全新互動式對話系統。另外，亦都帶大家睇吓，E3場內《刺客教條》有咩精品售賣及派發！

《刺客教條：奧德賽》將會喺今年10月5日於 Xbox One、Windows PC及PlayStation 4平台發售，中文版亦會同步發售。

玩家喺開始遊戲之前可以選擇男女主角，包括Alexios(男)或 Kassandra(女)，兩位主角同樣擁有住斯巴達英雄嘅傳奇血統。

遊戲會以古希臘時代為背景，而遊戲主角係一位被「放逐」嘅斯巴達人，而遊戲內嘅互動式對話系統，會令玩家選擇唔同對話回答時，影響遊戲世界、其他角色以及故事發展。

Ubisoft喺E3場內亦設有咗試玩區，但由圖片所見，試玩人龍多到打晒蛇餅，可見遊戲非常受歡迎。

場內亦有售賣《刺客教條：奧德賽》精品，當中包括Figure、手套等。

最受歡迎嘅係場內免費派發嘅斯巴達頭盔！