{ SKIP }
文:MenClub 路易斯  圖:互聯網
POSTED ON 13 Sep 2018

繼兩年前香港攝影師林亦非一張天水圍《Pokemon GO》眾生相出現喺iPhone 7Apple發布會上,今次Apple Special Event再有香港人亮相發布會,而且得到唔少NBA球星支持!佢就係前Apple員工港人李景輝(David Lee),而佢喺噚晚嘅Apple發布會上介紹連NBA球隊都有用嘅AR(擴增實境)籃球訓練AppHomeCourt」。

港人李景輝夥拍著名NBA球星Steve Nash踏上Apple發布會舞台,二人一同介紹利用AR(擴增實境)籃球訓練AppHomeCourt」。呢個訓練App可以利用AI(人工智能)、影像識別等技術,準備記錄籃球員練習投籃時候嘅數據,並可以運用相關數據進行分析以提升球員投籃準繩度。

HomeCourt」咁受歡迎係因為使用門檻低,只需要一支腳架同一部iPhone就可以Check到你嘅投籃形式、角度、時間、速度及高度等重要分析數據,仲可以知道自己喺球場上唔同位置嘅投籃命中率,對負擔唔起昂貴訓練器材嘅籃球員絕對係福音。

揚威國際嘅李景輝並唔係海外頂尖大學嘅畢業生,而係土生土長於2004年喺香港大學工商管理(資訊系統)及工程學(軟件工程)雙學位畢業,後來佢與其他人合作研發嘅試算表程式「EditGrid」被Apple收購,而李景輝亦順理成章加入Apple成為高級工程經理。

後來李景輝離開Apple與另外兩位前Apple員工Reggie ChanTony Sung喺去年5月創立公司NEX Team,專注研發籃球訓練AppHomeCourt」。NEX Team不乏星級投資者,其中包括與李景輝一同介紹AppSteve Nash,仲有NBA球星林書豪、NBA獨行俠(Dallas Mavericks)班主Mark Cuba、前NBA 76人總經理Sam Hinkie等,而經過兩輪融資NEX Team已經籌得400萬美元(約港幣3139萬元)投資額。

NEX Team除咗總部喺美國加州聖荷西之外,喺香港長沙灣仲有一個Office,而且「HomeCourt」網站上嘅下載畫面係以著名打卡聖地彩虹邨籃球場做背景,證明李景輝呢位「本地薑」不忘香港!

自Blue Origin及Virgin Galactic於過去兩年分別成功載人上太空後,「商業太空旅行」就由小說情節,成為現實中可行嘅體驗不過,當然係只限有錢人體驗啦。而睇黎有錢人已經唔滿足於「飛上去望下個地球就落返黎」,而係 ...
tech
【太空】真 ‧ 離地餐廳 400萬上太空 望住地球食米芝蓮
28 Mar 2024
若然消息屬實,iPhone 16 Pro機身側邊將加入一個全新按鍵「Capture button」,大小與電源鍵差唔多,能方便用戶拍攝及錄影。
tech
【科技】疑似iPhone 16 Pro保護殼曝光!機身側邊加入全新「拍攝」按鍵?
27 Mar 2024