今年Apple嘅秋季發布會以「Gather Round」為Slogan，但最終只有3部新iPhone及新Apple Watch推出，難免令一眾果迷失望。不過大家唔好灰心住，事關較早前Apple推出咗iOS 12.1 Beta版，有開發者喺當有搵到有關iPad Pro嘅重要信息。

其實9月發布會無新iPad又唔代表完全無嘅，根據以往經驗Apple有時會喺10月推出，又有時會喺3月推出，所以等待新iPad嘅唔好灰心。開發者Steve Troughton-Smith喺Twitter上發文指出，iOS 12.1 Beta中預示新iPad將支持橫向Face ID功能，由於橫向Face ID需要硬件調整去配合，加上Apple所推出支援Face ID嘅iPhone中，全部都係採用全屏幕，所以新iPad都好大機會係採用全屏幕。

Face ID has support for landscape orientation (presumably for iPad only), and iOS 12.1 seems to care a lot more about whether an external display is connected (perhaps due to iPad USB-C rumors; it won't have the Lighting HDMI adapter as an intermediary for video-out)

— Steve Troughton-Smith (@stroughtonsmith) September 18, 2018

而Steve Troughton-Smith仲透露，由iOS 12.1 Beta中睇到新iPad可能放棄Lightning接口，並換上新嘅USB-C接口，可以方便新iPad連接其他設備裝置。

來源：Steve Troughton-Smith