{ SKIP }
文:MenClub Mean娜  圖:互聯網
POSTED ON 25 Feb 2015

香港人無論食飯痾s定瞓覺,都一定手機不離手(咩呀?未見過人玩電話玩到瞓著嘅?)如果下下都用數據上網,大家應該一早破產,所以WIFI是非常重要的,尤其屋企個WIFI!有咩理由喺自己地頭都要用數據先?!

不過有時喺屋企用WIFI上網上得耐,會覺得上網速度突然變得好慢,又或者睇睇下片,影像突然定咗格……呢個時候你就要搞搞屋企個WIFI,亦即係屋企部Router。






根據外國資訊網站lifehacker.com,有8種方法可以令屋企WiFi變快、信號變強,睇過~?

1. 重新擺放WiFi位置
如果希望屋企每個角落都可以上網,咁Router嘅擺放位置就相當重要。屋企嘅中心位置,比較可以讓每個地方都收得到無線網路訊號。一般而言,如果冇牆又或者障礙物阻擋,無線網路訊號都會比較強。

2. 設置最佳頻道值(Wireless Channel)
當你要將Smartphone、平板電腦或者Notebook接上屋企WiFi時,通常喺網路選項中,會出現好多選擇,鄰近嘅Wi-Fi都喺選項內。其實,呢啲無線信號都會互相干擾,影響屋企無線網路信號。

用戶可以登錄Router管理頁(一般是http://192.168.1.1),喺無線設置裏,將家中無線頻道以手動方式修改。專家建議可多試幾次,直到找到最佳頻道值。 lifehacker.com建議可以使用WiFi Stumbler或者WiFi Analyzer軟體,搵出家中Router最好頻道。

3. 減少其他無線裝置的干擾
除咗鄰居家中嘅無線信號會干擾外,自己屋企其他無線裝置都會影響WiFi效率,例如微波爐、無線電話或者家電用品等。所以盡可能將Router遠離佢哋。如果選購Dual Band Router,都可以解決其他無線裝置干擾的問題。

4. 增加Router安全性
專家建議使用WPA(Wi-Fi Protected Access)或是WPA2密碼,來加Router的安全性。(Fotolia)

Router被駭,家中使用WiFi嘅人數增加,難免會超出無線Router嘅承載力,影響無線網路速度,導致不停斷線。另外,因為會被駭,電腦中嘅資訊亦變得唔安全。

定期更換Router登入密碼可以減少被駭機會,或者選擇可以設定WiFi覆蓋範圍嘅Router,以及選擇只允許固定用戶連接的Router。專家建議用戶使用WPA(WiFi Protected Access)密碼。

5. 加裝增強Wi-Fi信號的罐頭
據lifehacker.com,將罐頭剪開後,裝喺Router上,可以提升WiFi信號。有拋物線外觀的物體可收集不定向無線信號。

6. 安裝DD-WRT韌體
根據台灣Just Share部落格,每個無線Router都有一個作業系統,每個廠家嘅無線Router作業系統都唔同,其代碼都冇對外公佈。雖然用戶可以正常使用這些無線設備,但由於用戶無法更改其作業系統,所以實際使用上難免存在不足。

呢種環境下DD-WRT驅動韌體(Firmware)應運而生,提供一般Router韌體冇嘅功能,包括安裝DD-WRT,唔單止可以防駭,仲可以加強Router發射功率。

喺家中嘅Router使用DD-WRT,即係將原來設備的作業系統捨棄,然後更換一個新的作業系統,呢種無線Router比起傳統無線Router功能更強大,支援的應用更多,如可以利用QoS、限速、限連接數等設置來最佳化頻寬;或者可以輕鬆設定無線的定時開關。

7. 將舊的Router變成Wi-Fi Repeater
將舊的Router變成WiFi Repeater,不僅可以省去購置WiFi Extender的成本,仲可以喺屋企每一個角落都收到較強訊號。適用此方法必須配合使用DD-WRT韌體。

8. 設置自動重新啟動
為Router設置自動重新啟動,可以透過DD-WRT或是插座定時器,lifehacker.com建議Router一天可以自動重新啟動一次。一些比較新的路由器可以透過智慧型手機App重新啟動。

自Blue Origin及Virgin Galactic於過去兩年分別成功載人上太空後,「商業太空旅行」就由小說情節,成為現實中可行嘅體驗不過,當然係只限有錢人體驗啦。而睇黎有錢人已經唔滿足於「飛上去望下個地球就落返黎」,而係 ...
tech
【太空】真 ‧ 離地餐廳 400萬上太空 望住地球食米芝蓮
28 Mar 2024
若然消息屬實,iPhone 16 Pro機身側邊將加入一個全新按鍵「Capture button」,大小與電源鍵差唔多,能方便用戶拍攝及錄影。
tech
【科技】疑似iPhone 16 Pro保護殼曝光!機身側邊加入全新「拍攝」按鍵?
27 Mar 2024