{ SKIP }
文:MenClub Frey Lai  圖:互聯網
POSTED ON 01 May 2015

依家幾乎每部手機都有鏡頭,所以手機加相機呢個組合已經唔算特別有賣點。不過Panasonic Lumix CM1就破天荒用f2.8大光圈Leica鏡頭,加上有1”大sensor可以影到2000萬像素相片,仲有埋4K拍片功能,攝力大大提升後令唔少人都期待呢部新機。日前Panasonic就正式宣布推出CM1,定價$8490比起之前賣過萬的水貨更抵玩。




最高規格手機鏡頭

以前大家會以為手機影完相都係只係擺上facebook,覺得畫質唔係好重要,但其實隨住手機鏡頭像素同屏幕畫質愈來愈高,依家就算放上facebook都一樣睇得出畫質上嘅分別。CM1配備嘅2000萬像素1” 感光元件,尺寸比起一般手機甚至輕便相機嘅更大,影像自然有更高嘅解像力,令影像更加仔細。除咗sensor有先天性性優勢之外,CM1仲有埋Leica鏡頭加持,令畫質可以更進一步。

一推Camera掣就可以用相機功能,唔使等開機又開app,方便得多。

CM1機身同iPhone 6差唔多大,不過就厚身少少。

鏡頭側邊有個抵制環可以設定光圈快門,亦可作手動對焦。更可加裝接環配上遠攝、廣角同魚眼等鏡頭。

平放CM1時鏌頭就會頂起部機,而且跟機又冇送鏡頭保護蓋,感覺容易整花。




Leica鏡頭有幾靚?

今次CM1配備嘅Leica鏡頭有定焦28mm兼f2.8大光圈,28mm廣角用嚟影snap的確非常方便,而且大光圈更加可以影出淺深景嘅模糊效果,鏡頭定位方面實在值得一讚。可能齋講大家未必想像得到效果係點,所以就搵iPhone 6影咗張相等大家比較下。先唔講iPhone 6只得800萬像素,所以解像力會有一定差距,喺測試時發現CM1嘅相機測光同景深表現都比iPhone好得多。


首先比張iPhone 6影嘅相大家望下。

然後再望呢張用CM1嘅就發現,前景同後景之間有明顯嘅層次,而且測光亦比較準,唔會過曝。

1/60.f3.5.ISO125.AWB


由於CM1設計上係從相機出發,所以影相介面同功能都比較豐富,可以做到改變光圈、快門、感光度同埋測光等專業相機嘅設定,甚至可支援RAW格式。拍片功能亦係CM1嘅一大賣點,因為CM1可以拍到3840x2160@15p嘅4K影片,而且配合4K Pre-Brust同4K PhotoCapture就可以喺拍片時擷取到800萬像素相片。





手機效能方面就用咗Android 4.4系統,Qualcomm Snapdragon 801 2.3GHz 四核心處理器同2GB RAM只屬中上配備,而16GB內置容量用嚟儲存4K片同2000萬像素相片就好似唔多夠用,好在支援最高128GB嘅SDXC卡。CM1支援4G LTE,而且冇SIM Lock,即係去到邊都可以插卡就用到。不過CM1嘅電池就只得2260mAh,加上冇得換電,實在令人擔心好快冇電,建議大家想帶CM1出街影相最好準備定外置電源。

內置大量google程式,唔使自己download就有得用。

雖然手機規格未算最強,benchmark跑出成績不錯,只係僅次於上年嘅Samsung Galaxy S5。




Panasonic Lumix CM1規格

系統:Android 4.4

制式:FDD-LTEHSDPA, HSUPA, UMTS

屏幕:4.7” 1,080x1,920 IPS

處理器:Qualcomm Snapdragon 801 2.3GHz

記憶體:2GB RAM

鏡頭:2,000萬像素

儲存空間:內置16GBmicroSDXC

電池:內置式2260mAh

體積:135.4 x 68.0 x 21.1 mm

重量:203g

顏色:黑

售價:$8490

查詢:Panasonic2833 0955

















自Blue Origin及Virgin Galactic於過去兩年分別成功載人上太空後,「商業太空旅行」就由小說情節,成為現實中可行嘅體驗不過,當然係只限有錢人體驗啦。而睇黎有錢人已經唔滿足於「飛上去望下個地球就落返黎」,而係 ...
tech
【太空】真 ‧ 離地餐廳 400萬上太空 望住地球食米芝蓮
28 Mar 2024
若然消息屬實,iPhone 16 Pro機身側邊將加入一個全新按鍵「Capture button」,大小與電源鍵差唔多,能方便用戶拍攝及錄影。
tech
【科技】疑似iPhone 16 Pro保護殼曝光!機身側邊加入全新「拍攝」按鍵?
27 Mar 2024