{ SKIP }
文:MenClub John Chan  圖:互聯網
POSTED ON 29 Jun 2015

Photo: HK Information Services Department


Tesla呢幾年喺汽車界帶來咁大震撼,好多傳統汽車製造商都跌晒眼鏡。有美國汽車工業分析員於年初時講過,汽車工業將會喺未來五至八年有重大變革,其中一樣係有更多全新嘅另類能源汽車品牌,太陽能汽車能否於未來十年商品化,言之尚早。不過,愈來愈多國際或地區院校參與太陽能車研發是事實,每年歐洲、美洲、澳洲及日本都有多個賽事,今年十月,香港專業教育學院(IVE)師生研製太陽能車SOPHIE就會出戰十月喺澳洲舉行嘅太陽能車世界賽。


SOPHIE全車只有一個座位,車身向上部份幾乎全部被太陽能板覆蓋

SOPHIE係首部獲運輸署批准喺本港道路行駛嘅太陽能車


SOPHIE早前獲運輸署批准,成為香港首部可在道路行駛嘅太陽能車。SOPHIE昨日早上由IVE屯門分校出發,經大欖隧道、三號幹線、尖沙咀廣東道,再折返三號幹線,抵達終點IVE青衣分校,全程約近兩小時。據負責項目嘅IVE工程系系主任講,喺道路行駛試車,就係要有更全面嘅測試同太陽日照數據。


沿途有支援車輛伴隨同行


IVE呢款SOPHIE屬第四代產品,目前已研製至至第五代,獲運輸署批准試車嘅係第四代,極速達110km/h,曾經喺世界太陽能車挑戰賽(World Solar Challenge)組別中得第四。




香港話靠旅遊、金融乜乜七七產業喎,得唔得,同整個格局衰成點,你有眼睇,搞番啲實業,高新科技產業吖,香港新一代其實好creative好有橋,好有heart㗎,畀多啲機會佢哋,你班老鬼唔好淨掛住炒嘢啦!


自Blue Origin及Virgin Galactic於過去兩年分別成功載人上太空後,「商業太空旅行」就由小說情節,成為現實中可行嘅體驗不過,當然係只限有錢人體驗啦。而睇黎有錢人已經唔滿足於「飛上去望下個地球就落返黎」,而係 ...
tech
【太空】真 ‧ 離地餐廳 400萬上太空 望住地球食米芝蓮
28 Mar 2024
若然消息屬實,iPhone 16 Pro機身側邊將加入一個全新按鍵「Capture button」,大小與電源鍵差唔多,能方便用戶拍攝及錄影。
tech
【科技】疑似iPhone 16 Pro保護殼曝光!機身側邊加入全新「拍攝」按鍵?
27 Mar 2024