今次發射嘅貨運火箭搭載咗龍飛船同埋2.5噸物資，而NASA同Microsoft合作嘅Projuect Sidekick，亦係由今次升空嘅火箭負責運Hololens上去，所以因今次意外只好令計劃押後。Microsoft CEO Satya Nadella就喺個人Twitter向NASA表示支持，話會繼續合作呢項計劃。

自從2012年結束穿梭機計劃之後，美國太空總署就開始同私人航天企業合作運送物資上太空，8個月內第3次補給失敗，好在太空站嘅物資足夠維持10個月，否則就會搞到斷水斷糧。今次發射失敗之後，暫時未有公布幾時會再次發射補給物資到ISS。