閏年即係每四年就會多一日大家都知，但原來仲閏秒，而且今年已經係第26次閏秒添！咁閏秒係乜？其實我哋嘅標準時間計算，係分為「協調世界時」同埋「世界時」。前者以以原子鐘為標準計時，亦即係世界標準時間，以英國格林威治時間為基準。至於世界時就係以地球自轉、公轉同埋地球極軸運動修正而計算出嘅時間。

由於地球嘅自轉速度會受到大氣摩擦同引力影響令自轉時間變慢，每隔幾年就會慢1秒，而原子鐘係唔識自動減慢，所以就要人手加多1秒，亦即係閏秒。1972年首次調校時間，當年仲一次過校加咗10秒，經過多年調校至今己加咗30幾秒。

對上一次調校之係2012年，今次就就會揀喺7月1日進行，會喺標準時間23:59:59同00:00:00之間，加多23:59:60先會進入第二日嘅00:00:00。由於香港嘅時區係比格林威治快8個鐘，所以就會喺7月1日朝早先進行閏秒，天文台嘅鐘將由07:59:59，跳至07:59:60呢個特別時間，之後先會跳到08:00:00，係咪覺得自己好似賺咗1秒咁呢？

香港天文台用緊嘅銫原子鐘。