其實好多見到啪啪紙時就會強迫症發作咁，忍唔住要啪晒先安落。有啲人鍾意逐粒啪，有啲人鍾意扭毛巾咁連環啪，後尾仲癲到有啪啪紙機同啪啪紙手機套，可以無限啪。

雖然生產商公布咗呢個壞消息，但其實唔止一間生產商造緊啪啪紙，所以大家都唔使咁擔心，亦唔好以為絕版兼有得炒喇。Sealed Air成立於1960年，而啪啪紙係1957年由創辦人研究新牆紙時被發明出來，結果就成為世界通用嘅包裝保護。

 《勇者鬥惡龍》曾經喺新宿車站，整咗一幅印有10萬隻史萊姆嘅啪啪紙牆任人啪。