- SITE MAP
- |
- CONTACT US
- |
- ADVERTISING
- |
- PRIVACY
- |
- MOBILE
- |
- RSS
雖然無人機加航拍,令我哋可以用更多角度去睇到呢個世界,但睇得愈多就會引發好多問題,不論係個人私隱定係企業保安都會受到無人機影響,所以最近就有人積極發展反無人機系統,引發無人機對抗戰。 美國海軍已經有對付無人機用嘅激光砲台,而反無人機系統已經單係軍事上嘅課題,更漸漸走向我哋日常生活當中。雖然無人機為我哋帶嚟好多方便同好處,但亦因不受管制同濫用而引發出唔少問題。早排喺美國更有人喺無人機裝上手槍然後遙控發射,事件引起廣泛關注後警方開始介入調查。甚至有無人機喺火災現場阻礙消防直昇機進行救災工作,令人開始注意無人機嘅負面影響。
最近一間英國公司推出一套名為AUDS嘅反無人機保安系統,呢套系統利用雷達同紅外線嚟監察同干擾無人機,當無人機進入警戒範圍就會自動啟動,系統更有鏡頭可以拍低過程,而且全天候24小時自動監察。系統用到嘅雷達具備8km偵察範圍,而鏡頭更有熱能探測功能,所以呢套高科技保安系統造價高達100萬美元,一般市民當然難以負擔,但對於企業同需要高度保護私隱嘅名人富豪嚟講,可能會係一套令佢哋安心嘅系統。
|