Google發言人向ZDNet證實，佢哋最近正測試緊新嘅Gmail功能，允許個人用戶可以用月費2美元租用自訂email地址，舉例你本來email係JJJ＠minafans.com嘅話，其中後面minafans呢一截就可以任你改。

其實Google本身一直都有用Google Apps for Work向商業用戶提供呢類服務，月費分別係5同10美元，可以自定email address之餘仲可用埋雲端服務。今次推出2美元平價版，只得15GB基本免費空間，相信會深受一般個人用戶同唔需要用到雲端嘅小企業歡迎。不過呢個計劃仍係試驗階段，仲未知幾時係會推出市面。