原來菲律賓部份島上居民，入黑後仍然係用煤油燈作為照明，雖然煤油夠平，但係長期吸入會影響健康之餘，亦客易發生意外，所以Aisa Mijeno就希望可以用呢款又平又環保嘅LED燈幫助居民。鹽水LED燈嘅原理同普通電池好接近，不過就將純電解質溶液將變成鹽水，然後利用化學作用為正極同負極輸出電力，而且好像傳統叉電一樣，連續使用6個月左右就要更換兩端電極。

除咗可以用鹽水發電外，sALt最大用途其實係想利用海水發電，事關被稱為千島之國嘅菲律賓本身有豐富嘅海水資源，如果可以利用海水作為綠色能源，應該會係一個又平又環保嘅小型發電方案，特別係對於偏遠地區居民或者野外探險嘅人嚟講，呢個簡單嘅裝置簡直係神器。

sALt官方網站