Nokia喺前日進行咗一個產品發布會，不過大家最期待嘅畫面並冇出現，今次發布會並唔係同大家介紹手機，咁莫非係之前傳聞嘅VR眼鏡？咁估只係啱一半。Nokia喺發布會上宣布正式進軍VR領域，更話將會喺今年第4季推出全新開發嘅360度VR攝影機Ozo。

外型成個波咁嘅Ozo機身佈滿鏡頭，Nokia發言人表示用家可以直接用VR眼鏡睇到Ozo拍攝嘅畫面，而且可以喺短短幾分鐘就可以睇到360度畫面嘅預覽片，唔使經過大輪後製先有得睇，所以Nokia對Ozo充滿信心，認為佢將會希領電影業同VR跳入一個新境界。雖然未有公布售價同詳細規格，但估計對象係電影業嘅話都唔會係一般消費者玩得起。而今次推出VR攝影機只係第一步，相信Nokia會繼續向呢個市場發展，相信下次就會見到佢哋推出VR眼鏡。