{ SKIP }
文:MenClub Frey Lai  圖:互聯網
POSTED ON 09 Oct 2015
大家睇完《火星任務》之後除咗講緊美國政府到底用咗幾多錢去救Matt Damon之外,另一個討論就係到底火星種薯仔係咪可行,而家就由NASA嘅專家話你知答案。

電影入面被孤零零留低喺火星嘅Matt Damon,為咗解決糧食問題,就諗到用火星泥土加自己嘅便便嚟種薯仔,成件聽落好有機,亦好似好make sense,但同NASA合作研究太空種植多年嘅專家Bruce Bugbee話咁樣種薯仔未必得,「火星泥土嘅氧化鐵含量太高,好難大量種植。」佢仲話火星上嘅光線不足加上氣溫低,除非改變土壤化學分子或用基因改造植物,否則難以利用火星土壤種植。

照佢咁講,太空耕種仍然只係科幻情節啦。但實情又話唔係咁,Bugbee教授話其實已經做緊,而且進度仲非常好添。「我哋目前就種緊沙律菜,好似種生菜同蘿蔔咁,而且呢類整物仲有助水源循環再用。」利用水耕栽培同再生水係Bugbee教授認為最可行嘅方法,而且NASA亦測試緊二氧化碳環境中提取氧氣嘅方法,所以Bugbee教授話人類其實已經掌握到移民火星嘅技術,目前最大考慮只係錢。


techcrunch


自Blue Origin及Virgin Galactic於過去兩年分別成功載人上太空後,「商業太空旅行」就由小說情節,成為現實中可行嘅體驗不過,當然係只限有錢人體驗啦。而睇黎有錢人已經唔滿足於「飛上去望下個地球就落返黎」,而係 ...
tech
【太空】真 ‧ 離地餐廳 400萬上太空 望住地球食米芝蓮
28 Mar 2024
若然消息屬實,iPhone 16 Pro機身側邊將加入一個全新按鍵「Capture button」,大小與電源鍵差唔多,能方便用戶拍攝及錄影。
tech
【科技】疑似iPhone 16 Pro保護殼曝光!機身側邊加入全新「拍攝」按鍵?
27 Mar 2024