最近Facebook喺以色列嘅分公司就搞咗一場開發者活動，其中一個環節就係要喺限時內設計出一個iOS嘅hack，其中兩名發者就選擇咗Apple Watch，結果就將經典射擊遊戲《Doom》移植到watch OS 2，唔使經iPhone就可以直接運行，而且仲可以將呢隻DOS遊戲變成支援篤芒操作添！

影片入面見到遊戲行得好順，不過改用篤芒操作就唔係太就手，而且Apple Watch錶面太細，其實玩落應該唔係太過癮，不過就勾起大家唔少回憶，亦令我諗返起以前floppy抄H game嘅日子，一套野野村成男同學輪住抄，團結同無私精神就係咁樣訓練出嚟。真係不禁要講返句the good old days。唔知各位gents嘅DOS年代又係點呢？定根本未經歷過呢？