家陣乜都興智能，屋企大小家電都可以同智能拉上關係，就連唔使用電嘅衣櫃都走向智能化。雖然智能衣櫃唔係識行識走，但識得幫你自動摺衫，對於懶摺衫嘅人嚟講已經非常足夠啦。

今年日本CETEAC都有有唔少特別產品值得留意，好似呢部由Panasonic同Seven Dreamers研發嘅智能衣櫃「Laundroid」，喺展覽期間就成為話題。Laundroid嘅原型機內置掃瞄器同機械臂，你只要將衫、褲或者毛巾放入去就會開始掃瞄，然後衣櫃就會開始分析，並因應衣服種類而幫你摺好。不過就識別過程要幾花時間，現場示範摺一件衫都要用成10分鐘，搞得嚟都自己摺完。Laundroid將會喺2016年中接受預訂，計劃最快2017年發售，希望喺2018年就推出強化版本畀醫院同安老院使用，其他組合就會分階段發售，至於集洗衣、乾衣、摺衫同埋分類功能於一身嘅「完全體」預計會喺2020年推出。

家電Watch