{ SKIP }
文:MenClub Frey Lai  
POSTED ON 12 Oct 2015

最近市面上唔少無線喇叭推出,今次就到輪到玩開耳機嘅Monster出手,推出最新SoundStage系列無線喇叭,強勁低音加上立體聲輸出,而且可以對應apps玩遙控,喺手機就可以控制到多隻喇叭,玩出唔同效果。

Monster同Beats分家之後,產品走向多元化,早排出完防水無線喇叭大受歡迎之後,今次玩返入屋,推出音質較靚嘅SoundStage系列無線喇叭。SoundStage一共有S1、S2同S3呢三個型號,同樣採用弧形面板,比起市面上多數四四方方嘅無線喇叭,SoundStage嘅線條睇落生動得多。今次用弧形面板唔單係外型上考慮,其實兩隻前置喇叭嘅弧形設計,能有效以更多角度送出音效,加上後置特大低音單元令低音特別夠力,亦使到SoundStage嘅音效表現變得更全面。

今次SoundStage嘅最大賣點就係無線播放,所以SoundStage就能同時支援藍牙、Wi-Fi同NFC,令大家串流播放時有更多選擇。大家甚至可以用手機apps控制唔同喇叭嘅音量,甚至可以將喇叭分組方便管理,而且SoundStage嘅高清串流可以支援FLAC、WAV、同PCM等高清音效格式播放。發布會期間播放多首24bit/192kHz音樂時都非常順滑流暢。

現場一次過用齊S1、S2同S3播放,聽落發現幾隻喇叭嘅低音冇以前咁沉,而中高音嘅細節好似多過之前嘅產品,問過Monster嘅產品經理Roy佢就咁講︰「以前我哋好用心做好低音,結果令大家以為我哋忽略咗其他音頻表現,所以今次經過改良,利用Pure Monster Sound技術提升返中音同高音嘅表現,而且仲有更好嘅還原能力添!」終於明白點解聽低音爽過以前咁多,大家不如聽下Roy示範嘅遙控播歌效果啦。


S1 $1980
S2 $2580
S3 $3580

Monster‧2998 3974


自Blue Origin及Virgin Galactic於過去兩年分別成功載人上太空後,「商業太空旅行」就由小說情節,成為現實中可行嘅體驗不過,當然係只限有錢人體驗啦。而睇黎有錢人已經唔滿足於「飛上去望下個地球就落返黎」,而係 ...
tech
【太空】真 ‧ 離地餐廳 400萬上太空 望住地球食米芝蓮
28 Mar 2024
若然消息屬實,iPhone 16 Pro機身側邊將加入一個全新按鍵「Capture button」,大小與電源鍵差唔多,能方便用戶拍攝及錄影。
tech
【科技】疑似iPhone 16 Pro保護殼曝光!機身側邊加入全新「拍攝」按鍵?
27 Mar 2024