今次事件已經升級成為國際大事，唔少外國網站都有討論呢件事，原來大家下載到嘅破解遊戲，好多都係嚟自3DM。今3DM受到圍剿，令網站創辦人惱羞成怒，喺微博發文反擊，話明唔會再推出破解版遊戲，又鬧爆以前話佢哋唔識破解嘅人。

「內部已經開了會，從新年開始，3DM不會在破解任何單機遊戲了，有國外的破解補丁轉發的論壇裡，也會積極處理，漢化還會堅持做，看看一年後，正版的銷量是否會增長。另外那些正版俠，別天天你跟老娘這裡裝腔作勢，你們TMD算老幾，不就買過幾個正版嗎？我3萬套《情懷6》還放在庫房裡，你們跟老娘比正版？」

其實依家嘅遊戲已經愈來愈難crack，好似《FIFA 16》同《Just Cause 3》呢兩隻都係搞咗一大輪先有破解版，加上好多遊戲都加入online元素，令玩翻版嘅人都愈來愈少，而且玩老翻真係好多木馬嘢，裝咗手尾長，其實博唔過。